53:11  11  SERMON  I  12  iamais  propice,  que  nous  ne  pourrons  pas  l'invoquer,  D'attendre  nul  bien  qui  soit  de  luy,  iusques  a  tant  que  nostre  Seigneur  Iesus  Christ  nous  apparoisse,  et  qu'il  se  mette  la  pour  nous  conduire  a  Dieu  son  Pere,  et  qu'il  approche  de  nous,  en  nous  testifiant  que  Dieu  nous  sera  prochain  en  sa  personne.  Or  devant  que  passer  plus  outre,  quant  aux  trois  mots  qui  sont  ici  mis,  Grace,  et  misericorde,  et  paix:  nous  en  avons  desia  expose  les  deux,  grace  et  paix,  et  avons  dit  en  somme  que  ce  mot  de  grace  emporte  que  Dieu  nous  aime,  et  qu'il  se  declare  propice  envers  nous.  Le  mot  de  paix  emporte  en  general  toute  prosperite.  Or  par  cela  il  nous  est  signifie  que  nous  sommes  m  al-heureux  iusques  a  tant  que  Dieu  se  soit  reconcilie  avec  nous,  et  qu'il  nous  ait  receus  en  son  amour,  voire  quand  nous  aurions  tout  ce  qu'il  est  possible  de  souhaiter,  et  que  le  monde  nous  estimera  tant  heureux  que  merveilles,  nous  aurons  beau  nous  applaudir,  tant  y  a  que  nous  serons  tousiours  miserables,  iusques  a  tant  que  nous  soyons  asseurez  que  Dieu  nous  aime,  et  qu'il  nous  recoit  pour  ses  enfans.  Et  pourquoy?  car  il  faut  que  tous  les  biens  dont  nous  iouissons  en  ce  monde,  nous  soyent  convertis  a  malheur,  et  qu'ils  nous  soyent  bien  cher  vendus,  iusques  a.  tant  que  Dieu  nous  ait  receus  en  son  amour.  Mais  au  contraire,  sommes-nous  aimez  de  Dieu?  sommes-nous  fondez  en  sa  grace?  il  nous  envoyera  ce  qu'il  scaura  nous  estre  propre.  Comme  nous  voyons  qu'il  persecute  ceux  qui  sont  reiettez  de  luy:  et  encores  qu'il  permette  qu'ils  ayent  des  biens  selon  le  monde,  si  est-ce  qu'ils  n'en  ont  point  une  vraye  iouissance,  pource  qu'ils  sont  tousiours  en  trouble:  mais  a  l'opposite  il  envoyera  a  ses  enfans  ce  qu'il  cognoist  leur  estre  propre  et  utile,  et  s'ils  ont  faute  et  indigence,  il  les  consolera,  en  sorte  qu'ils  se  pourront  glorifier  au  milieu  des  miseres  :  comme  dit  S.  Paul,  que  quand  nous  avons  ceste  certitude  de  l'amour  de  Dieu,  que  nous  avons  nos  ames  qui  se  reposent  en  luy,  nous  pouvons  non  seulement  nous  glorifier  de  l'esperance  qu'il  nous  donne  de  la  vie  celeste,  mais  en  ceste  vie  presente,  scachans  qu'il  nous  aime,  encores  que  nous  soyons  affligez,  nous  sommes  resiouis:  quand  nous  scavons  qu'il  convertira  le  tout  a  nostre  salut,  puis  qu'il  nous  donne  desia  ce  sentiment,  qu'il  en  a  le  soin.  Voila  comme  les  miseres  serviront  aux  enfans  de  Dieu,  et  par  ce  moyen  ils  se  pourront  glorifier  en  icelles.  Maintenant  donc  nous  voyons  comme  la  grace  de  Dieu  est  le  commencement  de  tout  bien  et  de  toute  felicite.  Et  ce  n'est  point  sans  cause  que  S.  Paul  les  conioint.  Et  par  cela  aussi  nous  sommes  admonestez  de  ne  point  mettre  la  charrue  devant  les  boeufs,  quand  nous  demandons  a  Dieu  ce  qui  nous  est  propre.  Mais  voici  l'ordre  que  nous  avons  a  tenir,  c'est  qu'en  premier