50:11  11  EPIST.  PAULI  AD  CORINTHIOS  II  12  se  in  corpore  suo  supplere  quod  deest  passionibus  Christi.  Miseriae  quidem  et  aerumnae  vitae  praesentis  malis  perinde  ac  bonis  communes  sunt.  Sed  quum  impiis  accidunt,  maledictionis  divinae  sunt  signa:  quia  ex  peccato  proveniunt,  et  nihil  in  illis  apparet  praeter  iram  Dei  et  Adae  societatem,  quae  non  potest  nisi  animum  deiicere.  At  fideles  interea  Christo  configuramur,  et  circumferunt  in  corpore  suo  eius  mortificationem:  ut  vita  Christi  in  ipsis  aliquando  appareat.  Loquor  de  afflictionibus,  quas  pro  Christi  testimonio  sustinent.  Nam  tametsi  virgae  Domini,  quibus  eorum  peccata  castigat,  illis  sunt  salutares:  non  tamen  proprie  dicuntur  socii  esse  passionum  Christi,  nisi  dum  eius  nomine  patiuntur.  Quemadmodum  habetur  capite  4,  13,  prioris  epistolae  Petri.  Significat  ergo  Paulus,  Deum  sibi  in  tribulationibus  semper  adesse  :  suamque  infirmitatem  sublevari  Christi  consolationibus,  ne  opprimatur  malis.  6.  Sive  autem  affligimur  pro  vestra  consolatione  et  salute  j  quae  efficitur  in  tolerantia  ipsarum  passionum,  gims  et  nos  patimur:  sive  consolationem  accipimus  pro  vestra  consolatione  et  salute:  7.  spes  nostra  firma  est  de  vobis,  scientes  quod  quemadmodum  socii  estis  passionum,  ita  et  consolationis.  8.  Nolo  enim  vos  nescire,  fratres,  de  tribulatione  nostra,  quae  accidit  nobis  in  Asia:  nempe  quod  praeter  modum  gravati  fuerimus  supra  vires,  ita  ut  de  vita  quoque  anxii  essemus.  9.  Quinetiam  ipsi  in  nobis  ipsis  sententiam  mortis  acceperamus:  ne  confideremus  in  nobis,  sed  in  Deo,  qui  ad  vitam  suscitat  mortuos:  10.  qui  ex  tanta  morte  eripuit  nos,  et  eripit,  in  quo  spem  fixam  habemus,  quod  etiam  posthac  eripiet,  ll.  simul  adiuvantibus  et  vobis  per  deprecationem  pro  nobis:  ut  donum  ex  multis  personis  erga  nos  collatum  gratiarum  actione  per  multos  celebretur  pro  nobis.  6.  Sive  affligimur.  Quoniam  ante  hoc  membrum,  spes  nostra  firma  est  de  vobis,  interiicitur  copula:  ideo  Erasmus  subaudiendum  aliquod  verbum  putavit,  quod  illis  particulis  conveniret,  pro  vestra  consolatione  et  salute:  hoc  modo:  Sive  affligimur,  id  fit  pro  vestra  consolatione.  Sed  mihi  probabilius  est  copnlam  hic  positam  ac  si  dictum  esset:  Sic  quoque:  vel,  utroque  modo.  Iam  dixerat  se  consolationem  accipere  quam  in  alios  transfunderet  Nunc  longius  procedit,  sibi  spem  esse  firmam  quod  futuri  sint  consolationis  participes.  Adde  quod  vetustissimi  quidam  Graecorum  codices  priori  statim  membro  subiiciunt  hanc  sententiam,  Et  spes  nostra  firma  est  pro  vobis:  qua  lectione  tollitur  ambiguitas.  Nam  dum  media  interponitur,  necesse  est  tam  ad  posterius  quam  ad  prius  communiter  referri.  Quamquam  si  in  singulis  membris  velit  quispiam  habere  plenam  sententiam,  ver-