47:11  11  IN  EVANGELIUM  IOANNIS  fuisse  (Rom.  l  l  ,  12):  quia  evangelium  veluti  ab  illis  expulsum,  longe  lateque  per  totum  orbem  dissipari  coepit.  Ita  privilegio  quo  excellebant  spoliati  sunt.  Christo  autem  nihil  obfuit  eorum  impietas:  quia  et  alibi  erexit  regni  sui  sedem,  et  promiscue  ad  spem  salutis  vocavit  omnes  populos  qui  prius  videbantur  a  Deo  reiecti  esse.  Dedit  eis  potestatem.  Nomen  eCoixrfac  mihi  dignitatem  hoc  loco  significat:  et  praestaret  ita  vertere  ad  refellendum  papistarum  commentum.  Hunc  enim  locum  pessime  corrumpunt,  quia  intelligunt  optionem  tantum  nobis  dari,  si  quidpm  beneficio  hoc  uti  libuerit.  Ita  liberum  arbitrium  ex  hac  voce,  tanquam  ignem  ex  aqua  eliciunt.  Habet  hoc  prima  specie  aliquid  coloris:  quod  evangelista  non  dicat  Christum  facere  Dei  filios,  sed  dare  potestatem  ut  fiant.  Hinc  ergo  colligunt  nobis  gratiam  hanc  solum  offerri,  in  arbitrio  nostro  esse  eius  fruendae  vel  respuendae  facultatem:  sed  hoc  frivolum  unius  vocis  aucupium  contextus  evertit.  Nam  continuo  post  subiicit  evangelista,  fieri  Dei  filios  non  propria  carnis  voluntate,  sed  quum  ex  Deo  nascuntur.  Quod  si  fides  nos  regenerat  ut  simus  filii  Dei,  et  eam  coelitus  inspirat  Deus  :  aperte  constat  non  potentialiter  tantum  a  Christo  nobis  offerri  adoptionis  gratiam,  sed  ipso  actu,  ut  loquuntur.  Et  sane  Graecis  e^ouaia  avxl  aCtoeaewc  interdum  capitur:  qui  sensus  huic  loco  optime  quadrat.  Periphrasis  autem  qua  usus  est  evangelista,  plus  ad  commendandam  gratiae  excellentiam  valet  quam  si  uno  verbo  dixisset,  omnes  qui  in  Christum  credunt,  fieri  ab  ipso  Dei  filios.  Nam  de  immundis  et  profanis  hic  loquitur,  qui  perpetua  ignominia  damnati,  in  mortis  tenebris  iacebant.  In  eo  itaque  admirabile  gratiae  suae  specimen  exhibuit  Christus,  quod  tales  hoc  honore  dignatus  est,  ut  subito  filii  Dei  esse  inciperent:  ac  huius  beneficii  magnitudinem  merito  extollit  evangelista:  quemadmodum  et  Paulus  ad  Ephesios  2  v.  4.  Quod  si  cui  magis  placeat  communis  nominis  significatio,  non  tamen  potestas  hic  ab  evangelista  statuitur  media  quaedam  facultas,  quae  plenum  et  solidum  effectum  tollat:  sed  potius  intelligit  datum  fuisse  immundis  et  incircumcisis  a  Christo,  quod  impossibile  videbatur.  Incredibilis  enim  rerum  conversio  tunc  facta  est,  quum  Christus  ex  lapidibus  excitavit  Deo  filios.  Est  igitur  potestas  bcavorrcc,  cuius  meminit  Paulus  ad  Col.  1  v.  12,  ubi  gratias  agit  Deo,  qui  idoneos  reddidit  nos  ad  participandam  Sanctorum  sortem.  Qui  credunt  in  nomen.  Christi  recipiendi  modum  breviter  notat,  quum  scilicet  in  eum  creditur.  Fide  ergo  insiti  in  Christum,  ius  adoptionis  consequimur,  ut  simus  filii  Dei.  Et  certe  quum  ille  unicus  sit  Dei  filius,  minime  ad  nos  pertinet  hic  honor,  nisi  quatenus  eius  sumus  membra.  Rursus  hinc  illud  commentum  refellitur  de  potentia.  Po-