46:11  11  HARMONIE  EVANGELIQUE.  12  de  sainctete  et  de  religion,  toutesfois  S.  Luc  luy  dit  qu'il  ha  besoin  d'estre  encores  mieux  certifie,  et  d'avoir  asseurance:  non  pas  qu'auparavant  il  doutast,  mais  c'est  (comme  i'ay  desia  touche)  que  nostre  foy,  combien  qu'elle  soit  sans  feintise,  ne  laisse  pas  d'estre  tousiours  meslee  avec  beaucoup  de  doutes  et  de  varietez.  Et  nous  experimentons  assez  cela,  quand  chacun  pensera  a  soy  sans  flaterie.  Mais  nous  cuidons  estre  habiles  tant  et  plus  hors  du  combat:  et  nostre  Seigneur  se  venge  d'une  telle  arrogance  et  fierte,  quand  ii  nous  envoye  quelques  troubles,  et  que  nous  sommes  esperdus.  Ainsi  donc  apprenons  de  tousiours  croistre  cependant  que  nous  vivons  en  ce  monde  :  croistre  (di-ie)  pour  nous  confermer  en  la  parole  de  Dieu,  scachans  que  nous  sommes  petis  enfans,  qui  ont  besoin  de  parvenir  a  la  perfection  d'aage,  qui  ne  sera  accompli,  que  iusques  a  ce  qu'il  nous  retire  de  ce  monde,  et  que  nous  serons  pleinement  unis  a  Iesus  Christ.  Bref,  si  nous  desirons  d'estre  Chrestiens  devant  Dieu,  et  devant  ses  Anges,  il  ne  faut  point  nous  espargner  tout  le  temps  de  nostre  vie,  de  tousiours  proufiter,  et  ne  nous  point  exempter  d'estre  enseignez,  comme  font  beaucoup  de  coquars,  qui  cuident  estre  les  plus  grans  docteurs  du  monde,  quand  ils  auront  quelque  bon  mot  au  bout  de  la  langue.  Car  quand  nous  serions  excellens  iusquesla,  de  pouvoir  enseigner  toutes  choses  aux  autres,  si  faut-il  que  nous  soyons  disciples:  autrement  malheur  sur  celuy  qui  s'ingere  d'enseigner,  s'il  n'addresse  la  doctrine  a  soy,  et  qu'il  ne  se  rende  suiet  a  icelle,  qu'il  ne  se  mette  du  rang  commun.  Car  non  seulement  celuy  qui  est  en  office  et  charge  de  docteur,  et  qui  ha  grande  intelligence  de  l'Escriture  saincte,  doit  profiter  en  ce  qu'il  monstre,  mais  il  se  doit  aussi  ranger  a  ceste  modestie  et  sobriete,  de  recevoir  l'instruction  des  plus  petis.  Voyla  donc  ce  que  nous  avons  a  retenir  sur  ce  passage:  c'est  que  nous  profitions  en  l'eschole  de  Dieu  tout  le  temps  de  nostre  vie.  Et  notamment  il  est  dit,  que  Theophile  prenne  asseurance  des  choseSy  esquelles  il  a  este  enseigne.  Et  ce  mot  d'asseurance  revient  a  la  certitude  dont  il  a  este  parle.  Et  c'est  pour  tousiours  mieux  exprimer  la  vraye  nature  de  la  foy,  et  pour  la  separer  d'avec  les  opinions  que  les  hommes  peuvent  concevoir,  et  sans  arrest  neantmoins.  Car  combien  que  les  Turcs,  et  les  Papistes,  et  leurs  semblables  soyent  opiniastres  iusques  au  bout,  tant  y  a  qu'il  n'y  a  point  de  fermete  en  eux.  Et  pourquoy?  Pource  qu'ils  sont  preoccupez  d'une  telle  rage,  qu'ils  reiettent  toute  bonne  doctrine:  ils  ont  les  oreilles  bouschees:  bref,  ils  sont  enyvrez,  voire  ensorcelez  du  tout,  pour  ne  point  donner  lieu  a  la  verite  de  Dieu.  Yoyla  donc  comme  pour  un  temps  ils  sont  endurcis  en  leurs  mensonges,  voire,  mais  cependant  si  on