42:11  11  SERMON  XXXIV.  12  grande  qu'il  n'y  ait  que  redire.  Or  il  est  vray  que  tousiours  la  iustice  de  Dieu  ne  nous  sera  pas  conneue,  car  quelquesfois  Dieu  nous  voudra  retenir  en  cette  humilite  la,  que  quand  nous  verrons  qu'il  aura  fait  quelque  chose,  la  raison  nous  sera  cachee.  Et  d'autant  plus  que  nous  en  voudrons  enquerir,  nous  y  serons  confus,  nous  n'y  verrons  goutte,  combien  qu'on  n'appercoive  point  pourquoy  Dieu  fait  ceci  ou  cela,  si  faut  il  conclure  qu'il  est  iuste  en  tout  ce  qu'il  fait,  mais  quelquesfois  Dieu  nous  declarera  aussi  la  raison  de  ses  oeuvres,  et  connoistrons  pourquoy  c'est  qu'il  ha  ainsi  besongne,  comme  en  ces  histoires  que  nous  venons  de  reciter,  il  est  vray  qu'il  y  aura  beaucoup  des  choses  qui  ne  nous  pourront  entierement  estre  conneues.  Pourquoy  est  ce  que  Dieu  permet  que  le  roy  Darius  soit  ainsi  tue  malheureusement?  car  c'estoit  un  roy  asses  paisible  (a  ce  qu'on  voit)  un  roy  qui  n'avoit  point  fait  de  grandes  entreprises,  que  de  se  tenir  en  possession  de  ce  qui  luy  avoit  este  laisse  par  ses  parents,  il  sembleroit  donc  que  Dieu  feist  un  acte  estrange,  quand  il  permet  qu'il  soit  tue  par  ses  serviteurs  mesmes,  qu'ils  luy  couppent  la  gorge,  apres  luy  avoir  fait  toutes  les  ignominies  du  monde,  et  que  cependant  Alexandre  domine,  qu'il  face  ses  triumphes,  mais  il  faut  que  nous  ne  soions  point  trop  precipitans,  que  si  nous  voions  qu'il  y  ait  des  choses  qui  nous  semblent  estranges,  que  nous  recourions  a  ce  que  dit  l'escriture:  Seigneur  combien  tes  iugements  sont  admirables?  encores  que  nous  ne  connoissions  rien,  que  ce  nous  soit  comme  un  abisme  profond.  O  !  Seigneur  si  ne  laisse  tu  pas  de  faire  tout  en  iustice  et  equite.  Yoila  donc  comme  ii  nous  faut  pratiquer  cette  doctrine  rendant  a  Dieu  l'honneur  qui  luy  appartient,  d'estre  iuste  et  equitable,  que  nous  soions  sobres  et  modestes  en  cela,  encores  que  nous  n'appercevions  pas  pourquoy  il  fait  ses  oeuvres,  que  nous  concluions,  ce  n'est  pas  sans  cause  neantmoins  que  Dieu  execute  de  tels  iugements.  Or  il  avoit  espargne  le  royaume  de  Babilonne  pour  un  temps,  mais  en  la  fin  il  faut  que  cela  vienne  a  iube,  autant  en  ha  il  este  du  royaume  de  Perse,  car  combien  que  le  prophete  Isaie  parle  notamment  de  Babilonne  quand  il  dit,  Malheur  sous  toy  qui  es  maintenant  si  haut  eslevee,  il  faudra  que  tu  aies  ton  tour,  si  est  ce  neantmoins  que  c'est  une  doctrine  generale  pour  monstrer  que  pour  un  temps  Dieu  dissimulera  bien  les  peches,  mais  ce  n'est  pas  a  dire  qu'il  les  ait  mis  en  oubli,  qu'il  n'en  face  la  vengeance  telle  qu'on  connoistra  en  la  fin  qu'il  est  le  iuge  du  monde.  Ainsi  donc  le  royaume  de  Perse  avoit  dure  par  quelque  espace  de  temps,  mais  en  fin  si  faut  il  qu'il  soit  ruine,  mais  aussi  quand  nous  aurons  bien  regarde  a  tout,  voila  une  monarchie  qui  s'est  eslevee  de  pillages,  de  meurtres,  de  larcins,  qu'il  n'est