41:11  11  PRAELECTIONES  12  hoc  adminiculo  sese  exstimulaverit  ad  precandi  ardorem.  Orabat  enim  tunc  pro  liberatione  populi,  quum  oculos  dirigeret  versus  Ierosolymam,  conspectus  ille  fuit  instar  flabelli,  quo  magis  accenderetur  eius  animus.  Propheta  igitur  non  respectu  Dei  aperuit  fenestras,  quasi  magis  exaudiretur,  si  apertum  esset  coelum  inter  aedes  eius  et  Iudaeam:  sed  potius  se  ipsum  respexit,  et  consuluit  propriae  infirmitati.  Iam  si  hoc  adiumento  indiguit  sanctus  propheta,  qui  sedulus  erat  ad  precandum  :  videndam  est,  annon  pluribus  stimulis  opus  hodie  habeat  nostra  segnities.  Discamus  itaque,  ubi  sentimus  nos  esse  nimium  pigros  et  frigidos  ad  precandum,  colligenda  esse  omnia  adminicula,  quae  possint  expergefacere  studium  nostrum,  et  corrigere  torporem  illum  cuius  nobis  sumus  conscii.  Hoc  igitur  fuit  consilium  prophetae,  quum  aperiret  fenestras  suas  versus  Ierusalem.  Deinde  hoc  etiam  symbolo  et  sibi  et  suis  domesticis  ostendere  voluit  se  perseverare  in  spe  et  fiducia  promissae  redemptionis.  Quum  ergo  Deam  oraret,  habuit  quasi  in  conspectu  Ierusalem:  non  quod  oculi  eius  possent  penetrare  in  regionem  tam  longinquam  :  sed  versus  Hierosolymam  direxit  tunc  suum  adspectum,  ac  si  diceret  se  esse  peregrinum  apud  Chaldaeos,  quamvis  illic  et  opibus  floreret,  et  esset  ornatus  magna  potentia,  et  singulari  dignitate  excelleret.  Ita  voluit  hoc  esse  omnibus  notum,  se  acquiescere  in  haereditate  promissa,  tametsi  ad  tempus  inde  exsularet.  Haec  fuit  secunda  ratio  in  fenestris  aperiendis.  Dicit  autem  se  tribus  vicibus  quotidie  orasse.  Et  hoc  quoque  observatu  dignum  est:  quia  nisi  quisque  nostrum  praefigat  sibi  certas  horas  ad  precandum,  facile  nobis  excidet  memoria.  Daniel  ergo  quanquam  assiduus  erat  in  precibus  fundendis:  tamen  solennem  hunc  ritum  sibi  iniunxit,  ut  ter  quotidie  sese  prosterneret  coram  Deo:  quemadmodum  dum  mane  surgimus,  nisi  incipimus  a  Dei  invocatione,  ille  est  nimis  brutus  stupor:  sic  etiam  dum  concedimus  adiectum,  deinde  dum  cibum  sumpturi  sumus,  deinde  aliis  horis,  ut  quisque  videt  sibi  esse  commodum.  Nam  hic  nobis  permittitur  a  Deo  libertas:  sed  quisque  tamen  sentire  debet  suam  infirmitatem,  ut  remedia  sibi  accersat.  Daniel  ergo  ob  hanc  causam  ter  solebat  precari.  Et  additur  etiam  signum  vehementiae  ,  ubi  dicit  se  prostratum  fuisse  in  genua  :  non  quod  genuflexio  per  se  necessaria  sit  in  precibus:  sed  quia  opus  habemus  stimulis,  ut  dictum  fuit,  non  parum  valet  genuflexio:  quia  primo  monemur  non  posse  nos  sistere  coram  Deo,  nisi  cum  humilitate  et  reverentia  :  deinde  ita  animi  melius  praeparantur  ad  seriam  precationem:  et  hoc  etiam  symbolum  cultus  Deo  gratum  est.  Non  igitur  supervacuum  est  quod  exprimit  Daniel  se  procubuisse  in  genua  quoties  volebat  Deum  orare.  Iam  quum  dicit  se  fuisse  precatum  et  confessum  coram  Deo,  vel