40:11  11  PROLEGOMENA.  hodie  in  Lugdunensi  ecclesia  velut  in  prima  acie  feliciter  certantem  superstites  conspiciamus.  Initium  autem  postremae  huius  cladis  a  Philippo  Melanchthone  factum  est,  cui  non  diu  supervixit  Petrus  ille  Martyr  quum  e  Possiaceno  illo  conventu  Tigurum  ad  suam  stationem  rediisset.  Mox  illum  sequutus  est  Wolfangus  Musculus,  et  hunc  rursus  Andreas  Hyperius,  veluti  percutientis  Dei  manu  alternatim  a  septentrione  ad  meridiem  sese  convertente.  Si  quidem  Philippus  in  Saxonia,  Hyperius  in  Hessia,  reliqui  duo  apud  Helvetios  sunt  mortui,  quales  eheu,  et  quanti  pretii  homines?  Leniebat  tamen  omnes  istas  calamitates  superstes  Ioannes  Calvinus,  ille  vere  magnus,  et  noXXm  avxa^toc  aXXwv,  quo  salvo  damna  illa  quamvis  maxima,  tamen  multo  sane  fiebant  leviora.  Et  ecce,  illum  quoque  nobis  peccata  nostra  anno  superiore  eripuerunt,  in  quo  quantam  iacturam  fecerit  ecclesia  nemo  possit  aestimare,  nisi  qui  illius  laborum  testes  praesentes  fuerunt.  Quid  enim  vir  ille  non  effecit?  Quis  in  concionibus,  in  praelectionibus,  in  scriptionibus  cum  illo  comparandus?  Quis  illo  in  docendo  brevior,  simul  et  solidior,  in  expediendis  nobis  felicior,  in  reprehendendo  vehementior,  in  consolando  suavior,  in  confutandis  erroribus  certior?  Quod  dico  scio  fore  ut  partim  rideant  nonnulii  Epicurei  (quidni  enim  rideant  servum,  quibus  Dominus  ipse  est  ludibrio?)  partim  etiam  stupidi  illi  et  stolidi  homines  contemnant,  quibus  nihil  sapere  summa  est  sapientia.  Hoc  tamen  scio,  nullum  esse  inter  ipsos  Dei  hostes  callidiores,  qui  non  idem  atque  ego  tacitus  apud  se  existimet.  Habet  et  laudat  apud  Antichristianos  suum  patronum  unaquaeque  factio,  idque  non  sine  aliorum  dedecore.  Absit  a  nobis  ista  non  tantum  stulta,  sed  etiam  profana  ambitio.  Nec  Cepham,  nec  Paulum,  nec  Appollo  iactamus.  Una  nobis  nota  est  lingua  Canaan,  unus  est  Dominus  per  quem  iuramus.  Sed  quum  diversae  sint  eiusdem  corporis  membrorum  functiones,  manibus  et  pedibus  praeferimus  oculos:  et  quum  plures  sint  tanti  corporis  oculi,  alios  aliis  perspicaciores  esse  sentimus:  Deum  autem  in  singulis  huius  corporis  partibus  laudamus  et  adoramus.  Sit  igitur  haec  laus  in  solidum  Domini  et  Dei  nostri,  cui  sane  propria  quadam  ratione  deberi  Calvinum  qui  non  sentit,  nihil  sentit.  Sed  quorsum  haec?  Nempe  haec  est  horum  coelestium  bonorum  suavitas,  ut  vel  sola  sui  recordatione  vehementissime  tum  prosint,  tum  etiam  oblectent.  Hinc  ilia  exemplorum  in  utramque  partem  virtus:  nec  alius  est  historiae  praesertim  sacrae  finis  ac  scopus,  quam  ut  dum  illam  legimus  non  aliter  afficiamur,  quam  si  res  ipsas  praesentes  intueremur.  Itaque  in  isto  dolore,  quo  ex  tanti  viri  obitu  affici  necesse  est  tum  omnes  vere  pios  ac  bonos,  tum  vero  maxime  quotcunque  quotidianos  fructus  paene  incredibiles  ex  eius  praesentia,  singulari  doctrina,  et  vere  admirabili  prudentia  percipiebant,  duae  res  potissimum  nos  solari  debent:  una,  quod  recentibus  et  quidem  pulcherrimis  ipsius  tum  dictorum  tum  factorum  exemplis  non  mediocriter  adiuvemur,  donec  et  ipsi  confecto  nostrae  navigationis  cursu  in  eundem  portum  provehamur:  altera  quod  nemo  unus  nostra  memoria  exstitit,  cui  datum  sit  tam  multa  tamque  exacta  relinquere  doctrinae  suae  monumenta.  Quod  si  ad  unum  adhuc  et  alterum  annum  nobis  tantae  lucis  fructum  Dominus  concessisset,  ego  quidem  non  video,  quid  ad  utriusque  foederis  libros  perfecte  intelligendos  potuerit  requiri.  Supersunt  autem  libri,  quos  historicos  vocant,  excepto  Iosua,  itemque  Iobus,  et  duo  Solomonis  libelli,  quos  suis  commentariis  non  illustravit:  quanquam  hanc  iacturam  aliqua  ex  parte  supplebunt  gallicae  ipsius  in  Iobum,  in  Samuelem,  et  primum  librum  Regum  conciones,  ita  ut  sunt  ex  ipsius  ore  exceptae.  Nam  hoc  quoque  maximus  ille  vir  erat  a  Domino  consequutus,  ut  non  multo  aliter  loqueretur  quam  scriberet.  Ex  prophetis,  Isaiam  iustis  commentariis  illustravit:  in  reliquos  exstant  eius  praelectiones  summa  diligentia  ac  fide  a  duobus  et  pietate  et  doctrina  eximia  praeditis  Ioanne  Budaeo,  magni  illius  Budaei  filio,  et  Carolo  Ionvillaeo  exceptae.  Sed  quominus  Ezechielem  absolveret  praepropera  mors  obstitit,  eo  maiore  ecclesiae  damno,  quod  hunc,  in  extremo  praesertim,  omnium  prophetarum  obscurissimum  esse  constat:  et  haud  scio  quando  tandem  sit  exoriturus  qui  hanc  tabellam  a  tanto  Apelle  inchoatam  absolvat.  Cur  autem  imperfectum  hoc  opus  nihilominus  edendum