39:11  l  l  PRAELECTIONES  12  veniet  ultimam  sententiam,  quae  est  applicatio  visionis  ad  rem  ipsam:  adhuc  ementur  domus,  et  agri,  et  vites  in  hac  terra.  Voluit  igitur  Deus  servum  suum  expendere  pecuniam  absque  ulla  utilitate  privata,  ut  sumptu  suo  foveret  spem  fidelium  usque  ad  tempus  liberationis.  Erat  incredibile  quod  hic  dicitur:  quia  nemo  putasset  posse  accidere  tantam  mutationem,  ut  Iudaeis  permitteretur  reditus  in  patriam.  Nam  inexpugnabilis  erat  potentia  monarchiae  chaldaicae.  Oportuit  vero  illam  funditus  everti,  ut  populus  Dei  esset  liber.  Hac  igitur  ratione  oblata  fuit  visio,  ut  scirent  Iudaei  non  fore  perpetuam  cladem,  quia  Deus  statuerat  restituere  populum,  et  terram  ipsam.  Caeterum,  sub  pratulo  designatae  fuerunt  omnes  possessiones,  quia  non  tantum  nominat  agros,  sed  dicit,  Adhuc  ementur  tam  domus  quam  agri  et  vineae.  Nunc  sequitur,  16.  Et  precatus  sum  Iehovam  postquam  dedi  librum  emptionis  Baruch  filio  Neriae,  dicendo,  17.  Heu  Domine  Iehovah,  '  Ecce  tu  fecisti  coelos  et  terram  in  potentia  tua  magna,  et  brachio  tuo  extento:  non  est  ulla  res  abscondita  a  te  (vel  mirabilis).  18.  Faciens  (tu  facis)  clementiam  erga  mille,  et  reprehendis  iniquitatem  patrum  in  sinum  filiorum  eorum  post  ipsos:  Deus  fortis,  potens,  Iehovah  exercituum  nomen  eius  (et  quae  sequuntur).  Tametsi  defunctus  erat  officio  suo  propheta,  fatetur  tamen  se  fuisse  perplexum  in  visione.  Unde  apparet,  non  fuisse  omni  ex  parte  semper  prophetis  patefactum  Dei  consilium,  sed  quatenus  expediebat:  interea  tamen  non  fuerunt  ecstatici  prophetae  quemadmodum  profani  vates  finxerunt  se  rapi  extra  omnes  suos  sensus.  Non  fuit  igitur  fanaticus  ille  enthousiasmos  in  prophetis,  ut  loquerentur  sicut  aes  resonans,  vel  similes  essent  asinae  Balaam:  sed  Dominus  illis  manifestavit  quod  docerent.  Fuerunt  igitur  discipuli,  ut  de  manu  in  manum  fideliter  traderent  populo  quod  fuerat  apud  ipsos  depositum.  Sed  cognitio  qua  praediti  fuerunt  non  pugnat  cum  aliqua  parte  ignorantiae:  sicuti  propheta  quum  diceret,  Adhuc  ementur  agri,  domus,  et  vineae,  sciebat  Deum  promittere  restitutionem  terrae  et  populi.  Visio  etiam  ipsa  non  erat  aenigma  aliquod  obscurum:  sed  interim  causa  ipsa  eum  latuit:  et  hinc  perplexitas,  de  qua  nunc  dicit,  quod  scilicet  attonitus  re  ista  admirabili  contulerit  se  ad  preces,  et  confessus  fuerit  mentem  suam  implicitam  teneri.  Admiratio  igitur  prophetae  ex  ignorantia  manavit:  sed  ignorantia  illa  non  fuit  contraria  scientiae  propheticae.  Nam  quatenus  utile  erat,  et  ferebat  etiam  munus  doctoris,  non  dubium  est  quin  Dei  consilium  intellexerit.  Sed  tanta  erat  altitudo  vel  profunditas  mysterii,  ut  coactus  fuerit  fateri  hoc  Dei  opus  superare  omnes  sensus  suos.  Nunc  ergo