38:11  11  PRAELECTIONES  12  rescunt:  quia  Deus  spoliabit  eos  sua  astutia,  et  terrore  deiiciet,  quantumvis  sint  nunc  securi  et  pervicaces.  Tertio  verbo  modum  exprimit,  quia  scilicet  Deus  habet  suos  laqueos,  quibus  illos  capiat.  Nam  alludit  ad  effugia  quibus  confidunt  hypocritae,  qui  ita  superbe  insurgunt  contra  Deum,  dum  putant  suis  artibus  se  posse  elabi  per  hanc  vel  illam  partem,  et  subinde  excudunt  aliquod  novum  consilium  quo  possint  Deum  fallere.  Ergo  propheta  ad  perversam  eorum  vafritiem  alludens  dicit  Deum  fore  aucupem,  qui  ipsos  illaqueet  et  teneat  captos.  Postea,  ut  dixi,  rationem  assignat,  quod  scilicet  repudiaverint,  vel  aspernati  sint,  vel  reprobaverint  (nam  haec  omnia  significat  hoc  verbum)  sermonem  Iehovae.  Et  utitui  demonstrandi  particula,  Ecce,  inquit,  ne  amplius  tergiversentur,  ut  solebant:  Res,  inquit,  satis  nota  est,  et  pueri  ipsi  possunt  esse  iudices  vestrae  impietatis,  quod  scilicet  respueritis  verbum  Iehovae.  Hinc  colligit,  Quid  ergo  prodest  illis  sapientia?  vel,  quae  est  ipsorum  sapientia?  uterque  sensus  est  probabilis,  quod  scilicet  inutiliter  sapiant,  dum  ita  provocant  iram  Dei  impio  contemptu  verbi  eius:  Odi  sapientem  qui  sibi  ipse  non  sapit,  ut  dicitur  veteri  proverbio.  Quum  ergo  male  sibi  consulerent  Iudaei  repudiando  Dei  sermonem,  in  quo  tamen  posita  erat  ipsorum  salus,  merito  illis  obiicit  propheta,  nihil  illis  prodesse  sapientiam.  Alii  vertunt,  Quaenam  est  ipsorum  sapientia,  ubi  nullus  est  timor  Dei?  Et  certe  semper  illud  verum  manet,  timorem  Dei  esse  caput  sapientiae  et  summam.  Quum  ergo  ita  turpiter  contemnerent  Dei  verbum,  merito  interrogat  propheta,  quaenam  istorum  sapientia  sit.  Sed  tertius  sensus  apte  convenit,  nempe,  Et  sapientia  quid  ad  ipsos?  sic  enim  iegitur  ad  verbum,  Quid  ergo  ad  ipsos  sapientia:  et  ironice  adhuc  ipsos  pungit:  quasi  diceret,  Sunt  quidem  sapientes,  sed  suo  iudicio:  ideo  non  opus  habent  doceri.  Quid  ergo  ad  ipsos  sapientia?  hoc  est,  sic  turgent  suo  fastu,  ut  nullam  admittant  doctrinam.  Quare?  nam  excludunt  sapientiam  ipsam  fallaci  ilia  persuasione  qua  sunt  inflati.  Sed  tamen  libera  sit  electio:  volui  ostendere  quid  mihi  magis  placeret.  Cras  non  vacabit  legere,  quia  habebitur  Consistorium.  10.  Propterea  dabo  uxores  eorum  alienis,  et  agros  eorum  possessoribus:  quia  a  parvo  usque  ad  magnum  omnes  cupiditatem  concupiverunt  (vel  cupiditate  concupiverunt),  a  propheta  usque  ad  sacerdotem  omnes  egerunt  fallaciter.  Hic  minatur  Deus  poenam,  quando  videt  se  nihil  proficere,  et  sibi  negotium  esse  cum  populo  obstinato.  Nam  tentaverat  prius  an  aliqui  essent  sanabiles.  Ubi  autem  videt  suas  exhortationes  ca-