37:11  l  l  IN  ISAIAM  12  minibus  praestantissimum  naturaliter,  idque  vanitatis  damnari  a  propheta:  quia  subest  tacita  antithesis  inter  communem  generis  humani  naturam  et  gratiam  regenerationis.  Nonnulli  interpretes  ad  Assyrios  hoc  referunt,  ac  si  eorum  potentiam,  opes,  industriam,  conatus  extenuans,  imo  pro  nihilo  ducens  propheta  terrorem  eximeret  Iudaeis.  Hunc  igitur  sensum  eliciunt:  Si  vos  exanimant  hostium  vires,  memineritis  carnem  esse,  quae  sua  infirmitate  statim  concidit.  Sed  eorum  error  paulo  post  ex  contextu  refellitur,  ubi  propheta  diserte  ad  Iudaeos  ipsos  accommodat.  Diligenter  vero  tenendum  est,  totum  hominem  cum  suis  facultatibus  flori  conferri,  in  quibus  tantopere  sibi  placere  solent.  Nam  de  fragilitate  humanae  vitae  satis  vulgo  persuasi  sunt  omnes,  de  qua  profani  scriptores  amplissime  disputarunt.  Sed  in  evellenda  fiducia  quam  homines  ex  falsa  persuasione  sapientiae  concipiunt,  multo  plus  est  difficultatis:  si  quid  enim  aut  scientiae,  aut  industriae  habere  se  praeter  alios  putent,  merito  se  gloriari  arbitrantur.  At  nihil  tam  excellens  in  homine  esse  ostendit,  quod  non  cito  marcescat  ac  pereat.  Videtur  autem  propheta  correctionem  quandam  veluti  per  ludibrium  subiungere,  Quasi  flos  campi  :  plus  enim  quiddam  est  flos  quam  herba.  Est  igitur  concessio,  quod  tametsi  speciem  aliquam  prae  se  ferunt  homines,  tanquam  in  agris  flores,  qui  tamen  refulget  decor  protinus  interit  atque  evanescit,  ut  frustra  hoc  fallaci  et  inani  splendore  sibi  placeant  vel  applaudant.  7.  (Exaruit  herba.)  Posset  hoc  quidem  de  agrorum  pulchritudine  intelligi,  quam  venti  unius  impetus  deformat,  sicut  dicitur  Psalmo  103  (v.  15  sq.).  Nam  ventum  alibi  vocari  Dei  spiritum  scimus.  Mihi  tamen  magis  probatur  similitudinem  aptari  praesenti  causae:  quia  alioqui  obscurior  fuisset  eius  ratio.  Exegetice  ergo  exprimit  propheta  quorsum  illud  pertineat,  homines  cum  sua  gloria  nihil  aliud  esse  quam  herbam  :  nempe  quia  spiritus  Dei  repente  uno  flatu  omnes  absumet.  Sic  autem  resolvi  debet  oratio  :  Utcunque  vigeant  homines  praeclaris  dotibus  ornati,  simul  ac  flaverit  Dei  spiritus,  sentient  se  nihil  esse.  Nam  quod  se  inebriant  mendaci  confidentia,  inde  contingit,  quia  non  prodeunt  in  Dei  conspectum:  sed  quo  sibi  libere  adulentur,  abdunt  se  in  latebras.  Ergo  ut  fatua  erroris  dulcedine  fallere  se  desinant,  eos  ad  Dei  praesentiam  trahit  propheta,  et  concedit  florere  quidem  in  speciem,  quum  se  a  Deo  subduxerunt:  verum  simul  atque  Dominus  flatum  emiserit,  interire  omnem  illum  vigorem  et  florem  putrescere.  At  videtur  officium  adscribere  spiritui  Dei  quod  ab  ipso  longe  alienum  est:  eius  enim  vis  est  renovare  faciem  terrae.  Si  vero  Dominus  spiritum  substrahat,  omnia  in  nihilum  rediguntur.  Hic  longe  diversa  praedicat  Isaias,  ac  pugnare  videtur  cum  Davide  (Ps.  104,  30).  Sed