35:11  l  l  SERMON  CXIX  12  donc  pour  un  Item,  qu'il  nous  faut  tenir  la  bride  courte  a  tous  courroux:  voire  quand  nous  sommes  incitez  a  nous  fascher  contre  nos  prochains  au  regard  de  nos  personnes.  Mais  il  y  a  un  courroux  qui  est  bon,  c'est  a  savoir  qui  procede  du  sentiment  que  nous  avons  quand  Dieu  est  offense.  Quand  donc  nous  sommes  .enflammez  d'un  bon  zele,  et  que  nous  maintenons  la  querelle  de  Dieu,  si  nous  sommes  courroucez,  o  nous  ne  sommes  pas  coulpables  en  cela:  mais  notons  que  ce  courroux  ici  est  sans  acception  de  personnes.  Si  quelqu'un  est  courrouce  d'une  passion  charnelle,  o  celui-la  a  regard  a  soy,  et  se  veut  maintenir:  et  puis  il  veut  monstrer  qu'il  porte  faveur  a  ses  amis,  et  qu'il  fait  plus  pour  eux  que  pour  les  autres,  il  y  a  donc  acception  de  personnes,  d'autant  que  nous  avons  regard  a  nous.  Plustost  il  faut  que  nous  nous  courroucions  contre  nous,  si  nous  voulons  que  Dieu  approuve  nostro  ire  et  nostre  courroux.  Et  c'est  ce  que  sainct  Paul  dit  (Eph.  4,  26):  car  il  allegue  notamment  ce  qui  est  dit  au  Pseaume  (4,  5),  de  nous  courroucer,  voire  sans  offenser.  Et  comment  cela  se  fait-ii?  C'est  quand  l'homme  entre  en  soy,  et  qu'il  s'espluche  a  bon  escient,  et  qu'il  n'a  point  tant  regard  aux  autres  qu'a  soy  pour  se  condamner,  et  pour  batailler  contre  toutes  ses  passions.  Voila  donc  comme  il  nous  faut  courroucer,  et  par  quel  bout  il  nous  faut  commencer  nostre  courroux,  si  nous  voulons  qu'il  soit  approuve  de  Dieu:  c'est  a  savoir  qu'un  chacun  regarde  a  soy,  et  qu'il  se  despite  contre  ses  pechez  et  contre  ses  vices:  et  que  nous  iettions  la  nostre  colere,  voyans  que  nous  avons  provoque  l'ire  de  Dieu  contre  nous,  voyans  que  nous  sommes  pleins  de  tant  de  povretez.  Que  donc  nous  soyons  faschez  et  despitez  de  cela,  que  nous  commencions  par  un  tel  bout:  et  puis  que  nous  condamnions  le  mal  par  tout  ou  il  sera  trouve,  et  en  nous  et  en  nos  amis:  et  que  nous  ne  soyons  point  menez  de  quelque  haine  particuliere:  que  nous  ne  iettions  point  nostre  rage  sur  quelqu'un,  d'autant  que  desia  nous  sommes  preoccupez  de  quelque  affection  mauvaise  contre  luy.  Voila  comme  nostre  courroux  sera  louable,  et  monstrerons  qu'il  procede  d'un  vray  zele  de  Dieu.  Vray  est  que  nous  ne  pourrons  point  encores  tenir  mesure:  car  combien  que  le  zele  de  Dieu  domine  en  nous,  si  est-ce  qu'encores  pourrions  nous  faillir  excedans  mesure,  n'estoit  que  Dieu  nous  retint.  Il  faut  donc  que  nous  ayons  et  prudence  et  moderation  en  ce  zele.  Mais  tant  y  a  (comme  i'ay  desia  dit)  que  ce  courroux  de  soy  sera  louable,  quand  il  viendra  de  ceste  source,  c'est  a  savoir  que  nous  haissions  le  mal  par  tout  ou  il  sera  trouve,  et  fust-ce  en  nos  personnes.  Or  maintenant  donc  qu'est-ee  que  nous  avons  a  noter  de  ce  passage?  En  premier  lieu  c'est  que