34:11  11  SERMON  LXII  12  tant  et  plus,  si  est-ce  qu'il  lui  a  assiste.  Pourtant  ne  doutons  point  qu'encores  il  ne  nous  face  merci,  apres  que  pour  un  temps  nous  aurons  este  abbatus.  Voila  donc  pourquoy  il  est  bon  et  necessaire  que  nous  ayons  ces  exemples  devant  les  yeux,  et  mesme  cela  sera  cause  que  nostre  infirmite  ne  nous  dominera  point  par  trop.  Car  si  les  tentations  nous  pressent,  et  que  nous  ne  sachions  que  devenir,  nous  nous  reduirons  en  memoire,  Et  bien,  voila  les  serviteurs  de  Dieu  qui  ont  este  devant  nous,  combien  qu'ils  eussent  de  grandes  graces,  si  est-ce  qu'il  a  fallu  qu'ils  souspirassent  sous  la  main  de  Dieu,  et  qu'ils  ne  seussent  que  devenir,  et  Dieu  par  ce  moyen-la  les  a  voulu  despouiller  de  toute  arrogance,  il  a  voulu  leur  apprendre  par  prattique,  comme  il  falloit  qu'ils  eussent  la  teste  baissee  sous  lui.  Et  s'il  lui  plaist  auiourd'hui  de  nous  abbatre  usant  du  mesme  moyen,  pourveu  que  la  fin  soit  telle,  encores  qu'il  nous  faille  souffrir  cependant:  ne  nous  tourmentons  point  l'esprit  pour  cela,  veu  que  le  tout  reviendra  a  nostre  grand  profit  et  salut.  Voila  ce  que  nous  avons  a  noter  de  ceste  doctrine  qui  est  ici  contenue.  Or  Iob  adiouste,  que  Dieu  le  presse  tellement,  qu'il  semble  qu'il  le  vueille  descirer  par  pieces.  Parlant  ainsi  il  denote  ce  que  nous  avons  desia  veu  par  ci  devant,  qu'il  ne  l'avoit  point  afflige  seulement  en  son  corps,  mais  qu'il  y  avoit  des  tentations  plus  grandes  et  plus  dures,  voire  mesmes  ameres,  c'est  assavoir,  qu'il  estoit  tormente  la  dedans,  pource  que  Dieu  lui  estoit  comme  ennemi  mortel.  Il  est  vrai  qu'il  dit,  que  la  maigreur  qui  estoit  en  son  corps,  estoit  comme  une  fletrisseure,  et  un  tesmoignage  de  Tire  de  Dieu,  qu'il  estoit  ride,  que  toute  sa  chair  estoit  comme  a  demi  pourrie.  Et  en  cela  voit-on  bien  les  marques  d'une  horrible  affliction,  et  que  Dieu  ne  le  traitte  point  a  la  facon  commune  de  ceux  lesquels  il  chastie  de  ses  verges:  mais  sa  douleur  est  excessive.  C'est  donc  en  somme  ce  que  Iob  a  voulu  exprimer.  Or  ici  nous  avons  a  noter,  que  Dieu  nous  a  voulu  donner  des  miroirs  en  ceux  qui  ont  eu  quelques  vertus  excellentes,  afin  que  nous  puissions  cognoistre  en  leurs  personnes,  que  selon  qu'il  distribue  les  graces  de  son  sainct  Esprit,  aussi  pour  les  faire  valoir,  et  tant  mieux  fructifier,  il  leur  envoye  de  grandes  afflictions  en  leurs  personnes,  et  les  esprouve,  bref  il  les  chastie  iusques  au  bout.  Exemple,  Voila  Abraham  qui  a  este  gouverne  par  l'Esprit  de  Dieu,  non  point  comme  un  homme  vulgaire,  mais  comme  un  Ange,  si  plein  d'excellence  et  de  perfection  que  rien  plus.  Et  comment  est-ce  que  Dieu  aussi  Ta  manie?  Si  nous  avions  a  endurer  la  dixieme  partie  des  combats  qu'Abraham  a  soustenus  et  surmontez,  que  seroit  -  ce  ?  Nous  defaudrions.  Mais  Dieu  nous