33:11  11  NOTICE  PRELIMINAIRE.  THEODOEUS  BEZA  CHBISTIAITO  LECTOKI  GBATIAM  ET  PACEM  A  DOMINO.  Quum  inter  alios  scripturae  sanctae  libros  iste  dialogi  forma  scriptus,  et  a  praecipuo  coiloquutore  Iobo  appellationem  sortitus,  quaestionum  quae  in  eo  tractantur  gravitate,  et  mysteriorum  quae  ipso  continentur  sublimitate,  sententiarum  denique  in  omni  genere  vitae  utilitate  excellat,  dolendum  sane  fuit  hunc  thesaurum  omni  aestimatione  pretiosiorem,  veteribus  multis  saeculis  quasi  absconditum,  et  prope  infructuosum  in  ecclesia  iacuisse.  Etsi  enim  hic  liber  inter  alios  sacros  semper  habitus  est,  et  sparsim  variae  illius  particulae  sunt  a  veteribus  patribus  citatae  et  explicatae,  atque  adeo  in  christianis  exsequiis,  postea  horrendum  in  modum  contaminatis,  lectiones  quas  vocant  iam  pridem  fuerunt  ex  hoc  nostro  Iobo  depromptae:  tamen  quum  paucissimi  ex  graecis  theologis  hunc  librum  sibi  explicandum  proposuerint,  quorum  tenuia  exstant,  exceptis  Origenis  quibusdam,  fragmenta,  quotusquisque  hunc  librum  integrum  legebat,  aut  lectum  intelligebat?  Ex  Latinis  autem  unicus  paene  Gregorius,  ultimus  Bomanorum  episcopus,  superest,  in  quo  insunt  profecto  multa  non  contemnenda,  sed  plerumque  prorsus  dcTcpoaScovuaa.  Neque  id  mirum  videri  debet  in  eo  qui,  ut  iam  tum  erat  aetas  illa  barbara,  et,  quod  ad  linguarum  cognitionem  attinet  in  hoc  praesertim  libro  valde  necessariam,  plane  infelix,  non  potuit  non  in  plerisque  caecutire  :  ut  perpetuum  illud,  aut  potius  insanum,  allegorias  consectandi,  praeterito  quem  vocant  literali  sensu,  studium  praetermittam:  quo  vix  dici  potest  quantum  et  quam  grave  vulnus  fuerit  sacris  Mbris,  quod  ad  illorum  intelligentiam  attinet,  inflictum.  Vere  igitur  ingens  et  insigne  est  illud  Optimi  Maximi  Dei  beneficium  quo  nostris  istis  temporibus  ecclesiam  affecit,  tot  excitatis,  una  cum  linguarum,  etiam  peregrinarum,  et  bonarum  artium  cognitione,  sacrarum  literarum  doctissimis  interpretibus:  in  quibus  non  iudicii  acumen,  non  docendi  methodus,  non  diligentia  in  sacris  voluminibus,  modo  perpetuis  commentariis,  modo  brevioribus  scholiis,  modo  paraphrasibus,  modo  habitis  ad  populum  concionibus,  perspicue  erudite,  sancte,  explicandis  desideratur.  Inter  illos  autem  duo  exstant  inter  caeteros  nunquam  satis  laudati:  Ioannes  nimirum  Oecolampadius  ille  Basiliensis  ecclesiae  orthodoxae  instaurator,  et  Ioannes  ille  Mercerus,  celeberrimus  in  academia  Parisiensi  literarum  hebraearum  professor:  uterque  iis  omnibus  instructissimus  quae  ad  veram  et  genuinam  verborum  ac  sententiarum  explicationem,  in  quibus  Hebraei  etiam  ipsi  interpretes  saepissime  sunt  hallucinati,  requiruntur.  Eorum  autem  et  ego,  quamvis  forsitan  ex  nepiooaiocc,  vestigiis  insistens,  priora  quidem  huius  libri  difficiliora  capita  iusto  commentario,  caetera  vero  paraphrastice  studui  illustrare.  Habet  nunc  igitur  per  Dei  gratiam  ecclesia  in  huius  libri  lectione,  in  quo  alioqui  verum  esse  comperitur  graecum  illud  proverbium,  BUGKOXOL  za  %ocXa,  certos  et  fidos  sibi  praeeuntes  duces,  quos  sequuti  in  hoc  quantumvis  procelloso  mari  vix  unquam  in  scopulos  impingant.  At  enim,  inquies,  sacris  libris  cum  fructu  in  ecclesia  audiendis  non  tantum  opus  est  verum  illorum  sensum  percipi,  sed  etiam  hoc  vel  praecipue  requiritur  ut,  quemadmodum  nucem  frangat  oportet  qui  nucleum  esse  vult,  sic  doctrina  ipsa,  adhibita,  prout  res  tulerit,  locorum  communium  commoda  explicatione,  et  accommodatis  gravibus  et  seriis  admonitionibus,  adhortationibus,  increpationibus,  consolationibus,  auditorum  animis  infigatur.  Ecce  nunc  igitur  ad  duos  illos  tam  fidos  Iobi  nostri  interpretes  tertius  accedit  Ioannes  ille  Calvinus,  dignus  etiam  qui  inter  illos  primas  ferat.  Calvinus,  inquam,  ille  cuius  summa  in  interpretandis  fides,  acerrimum  in  asserenda  veritate  iudicium,  eruditio  eximia,  diligentia  nusquam  dormitans,  quanto  magis  a  veritatis  adversariis,  sive  TOIC  eCco^sv,  sive  domesticis,  quibus  nunquam  caruit  ecclesia,  impetitur,  tanto  clarius  eminet,  et  magis  ac  magis  inter  vere  pios  et  eruditos  in  posterum  eminebit.  Quod  igitur  illi  duo  in  suo  scribendi  genere  praestiterunt,  nunc  lectoribus  licebit  ex  his  Calvini  Homiliis  ad  usum  suum  transferre,  sive  hortatoribus  sit  illis  opus,  sive  sint  in  veritatis  doctrina  confirmandi,  sive  pungendi  sint  acrius,  sive  consolationibus  indigeant,  hoc  praesertim  saeculo  in  quo  Satan  cum  suis  administris  nihil  non  adversus  sanctos  audet,  idque  tanto  cum  successu  ut  nunc  paene  quod  praedicitur  Apocalypsis  IS,  7  re  ipsa  implendum  videatur.  Ad  haec  autem  et  illud  accedit  quod  in