32:11  11  PSALMUS  XCII.  12  quia  per  se  hoc  necessarium  foret,  sed  quia  utile  erat  rudimentum  veteri  populo.  Neque  enim  citharam  pulsari  voluit  Deus,  ac  si  more  hominum  voluptatem  caperet  ex  melodia:  sed  quia  nondum  advenerat  maturae  aetatis  tempus,  Iudaeos  sub  illis  puerilibus  elementis  continuit.  Finis  autem  erat,  ut  excusso  torpore  alacrius  se  accingerent  ad  Deum  ex  animo  laudandum.  Tenendum  enim  est,  cultum  Dei  nunquam  in  illis  rebus  externis  fuisse  situm,  sed  rudes  et  infirmos  adminiculis  istis  ad  eum  spiritualiter  colendum  opus  habuisse.  Simul  vero  tenendum  est  discrimen  veteris  et  novi  populi  :  quia  quum  exhibito  Christo  ecclesia  iam  adoleverit,  evangelii  lucem  suffocant  qui  adhuc  ecclesiam  involvunt  veteribus  umbris.  Unde  colligimus,  papistas  musicis  instrumentis  non  esse  patrum  imitatores,  sed  simias,  qui  umbratili  legis  cultu,  cui  finem  attulit  evangelium,  stulte  adhuc  oblectantur,  qua  de  re  iterum  aliis  locis  dicendum  erit.  5.  (Quia  exhilarasti  me.)  Iterum  admonet  propheta,  diem  sabbathi  non  esse  praescriptum  ut  ignavi  sedeant  homines,  sed  ut  colligant  omnes  suos  sensus  ad  meditanda  Dei  opera.  Simul  autem  ostendit,  eos  demum  legitimos  et  idoneos  esse  laudum  Dei  praecones,  qui  paternam  erga  se  eius  beneficentiam  reputant  ac  sentiunt,  ut  liberaliter  et  laetis  animis  hoc  pietatis  officium  suscipiant.  Sed  admonet  interim  propheta,  si  rite  expendimus  Dei  opera,  illic  conspicuam  esse  eius  bonitatem  et  fidem,  de  quibus  loquutus  est:  quia  hinc  demum  laetitia,  dum  se  nobis  patrem  exhibet  Deus,  sibique  caram  et  pretiosam  esse  testatur  salutem  nostram:  sicuti  haec  bruti  torporis  nobis  causa  est,  quod  ad  gustandum  finem  operum  Dei  insipidi  sumus.  Porro  quum  tota  mundi  machina  sursum  et  deorsum  clamitet  beneficum  et  veracem  esse  Deum,  prudenter  ad  haec  testimonia  attendere  discamus,  ut  nos  sancta  laetitia  ad  sacrum  eius  nomen  celebrandum  incitet.  6.  Quam  magnificata  sunt  opera  tua  Iehova!  valde  profundae  factae  sunt  cogitationes  tuae.  7.  Vir  stultus  non  cognoscet  j  neque  insipiens  intelliget  ea.  8.  Bum  florent  impii  quasi  herba,  et  germinant  omnes  operarii  iniquitatis,  ut  pereant  in  perpetuum.  9,  Et  tu  excelsus  in  saeculum  Iehova.  6.  (Quam  magnificata)  Propheta  de  operibus  Dei  in  genere  loquutus,  nunc  ad  speciem  unam  descendit,  nempe  quod  Deus  mundum  iustitia  sua  gubernans,  quamvis  scelerum  poenas  ad  tempus  differat,  tandem  ostendit  se  non  caecutire  quantisper  dissimulat:  neque  etiam,  dum  cruce  servos  suos  exercet,  eorum  salutem  negligere.  Hanc  vero  partem,  meo  iudicio,  specialiter  attingit,  quia  deformis  confusio  quae  in  hominum  vita  grassatur,  ordinem