3:11  11  EPISTRE  iours  diffamée  envers  vous:  c'est  assavoir,  qu'elle  ne  tend  à  autre  fin,  sinon  que  tous  regnes  et  polices  soyent  ruinées,  la  paix  soit  troublée,  les  loix  abolies,  les  seigneuries  et  possessions  dissipées:  bref,  que  toutes  choses  soyent  renversées  en  confusion.  Et  neantmoins  encores  vous  n'en  oyez  que  la  moindre  portion.  Car  entre  le  populaire  on  seme1)  contre  icelle  horribles  rapports:  lesquels  s'ils  estoyent  veritables,  à  bon  droit  tout  le  monde  la  pourroit  iuger  avec  tous  ses  autheurs,  digne  de  mille  feuz  et  mille  gibbets.  Qui  s'esmerveillera  maintenant  pourquoy  elle  est  tellement  haye  de  tout  le  monde,  puis  qu'on  adiouste  foy  à  telles  et  si  iniques2)  detractions?  Voila  pourquoy  tous  les  estats  d'un  commun  accord  conspirent  à  condamner3)  tant  nous  que  nostre  doctrine.  Ceux  qui  sont  constituez  pour  en  iuger,  estans  ravis  et  transportez  de  telle  affection,4)  prononcent  pour  sentence,  la  conception  qu'ils  ont  apportée  de  leur  maison:  et  pensent  tresbien  estre  acquitez  de  leur  office  s'ils  ne  iugent  personne  à  mort,  sinon  ceux  qui  sont,  ou  par  leur  confession,  ou  par  certain  tesmoignage,  conveincus.  Mais  de  quel  crime?  De  ceste  doctrine  damnée,  disent-ils.  Mais  à  quel  tiltre5)  est-elle  damnée?  Or  c'estoit  le  poinct  de  la  defense:  non  pas  desavouer  icelle  doctrine,  mais  la  soustenir  pour  vraye.  Icy  est  osté  le  congé  d'ouvrir  la  bouche.  Pourtant  ie  ne  demande  point  sans  raison,  Sire,6)  que  vous  vueillez  prendre  la  cognoissance  entiere  de  ceste  cause,  laquelle  iusques  icy  a  esté  demenée  confusement  sans  nul  ordre  de  droit:  et  par  un  ardeur  impetueux,  plustost  que  par  une  moderation  et  gravité  iudiciaire.  Et  ne  pensez  point  que  ie  tasche  à  traiter  icy7)  ma  defense  particuliere,  pour  impetrer  retour  au  pais  de  ma  naissance;  auquel  combien  que  ie  porte  telle  affection  d'humanité  qu'il  appartient:  toutesfois  comme  les  choses  sont  maintenant  disposées,  ie  ne  souffre  pas  grand  dueil  d'en  estre