29:11  11  SERMON  CLXXXIII.  12  sions  este  conioints  et  unis  ensemble.  Or  pource  que  les  Iuifs  se  sont  alienez  de  la  maison  de  Dieu,  et  de  son  Eglise,  et  qu'ils  n'ont  point  accepte  la  grace  qui  leur  estoit  offerte:  la  place  est  demeuree  vuide,  et  nous  y  sommes  entrez:  que  Dieu  les  a  bannis,  afin  qu'il  feist  comme  une  maison  nouvelle.  Et  pour  ceste  cause  sainct  Paul  applique  ce  tesmoignage  a  son  temps.  Car  il  dit  qu'alors  les  Iuifs  avoyent  par  trop  provoque  Dieu  en  leurs  idolatries  a  ialousie:  et  qu'il  a  fallu  que  Dieu  suscitast  un  peuple  qui  n'estoit  point  peuple,  ou  nation  qui  n'estoit  point  reputee  pour  telle,  et  que  cela  fust  pour  les  rendre  tant  plus  confus,  et  leur  faire  plus  de  vergongne  de  ce  qu'ils  avoyent  ainsi  mesprise  le  bien  qui  leur  estoit  donne.  Or  il  est  vray  que  de  ce  temps-la  les  Iuifs  n'avoyent  point  d'idolatrie  exterieure:  quand  Iesus  Christ  est  apparu  au  monde,  le  temple  de  Ierusalem  n'estoit  pas  pollu  dldoles,  on  y  faisoit  les  sacrifices  selon  la  Loy  de  Moyse:  mais  cependant  il  n'y  avoit  que  mespris  de  Dieu  et  impiete,  il  y  avoit  des  superstitions  si  lourdes  que  c'estoit  pitie,  et  toute  la  purete  de  la  Loy  estoit  corrompue.  Ainsi  notons  bien  que  les  hommes  sont  reputez  idolatres,  non  pas  seulement  quand  ils  ont  des  marmousets  de  pierre  ou  de  bois,  ou  en  peinture:  mais  aussi  quand  ils  ne  se  tiennent  point  a  la  pure  simplicite  de  la  parolle  de  Dieu,  qu'ils  meslent  leurs  superstitions  parmi  la  doctrine  de  salut,  quand  ils  se  destordent,  et  se  destournent  a  tout  mal.  Voila  donc  comme  Dieu  a  este  provoque  a  ialousie  par  les  Iuifs:  mais  sur  tout  en  ce  qu'ils  ont  reiette  Iesus  Christ,  qui  est  l'image  du  Pere:  car  celuy  qui  n'a  point  le  Fils  (dit  S.  Iean)  il  n'a  point  le  Pere.  Et  pourquoy?  Toute  plenitude  de  divinite  habite  en  nostre  Seigneur  Iesus  Christ.  Puis  qu'ainsi  est  donc  que  les  Iuifs  ont  mescogneu  le  Fils  unique,  qui  estoit  l'image  du  Pere,  depuis  qu'ils  n'ont  point  voulu  accepter  celuy  qui  estoit  ordonne  Roy  souverain,  et  duquel  il  est  aussi  dit  au  Pseaume:  Baisez  le  Fils:  qu'il  est  la  commande  qu'on  luy  face  hommage,  qu'on  plie  le  genouil  devant  luy,  comme  il  est  dit  aux  autres  passages:  puis  que  les  Iuifs  ont  ainsi  delaisse  Iesus  Christ,  qu'ils  ont  renonce  la  vraye  religion,  ils  se  sont  alienez  pleinement  du  Dieu  vivant  qui  les  avoit  choisis  et  adoptez:  bref,  quand  Iesus  Christ  ne  sera  point  tenu  pour  nostre  Dieu,  ii  est  certain  que  nous  n'aurons  plus  qu'une  idole.  Comme  auiourd'huy  les  Turcs  se  vanteront  assez  d'adorer  le  Dieu  qui  a  cree  le  ciel  et  la  terre.  Quel  est  leur  dieu?  ce  n'est  qu'une  idole.  Les  Iuifs  diront  bien:  Nous  voulons  servir  au  Dieu  qui  a  donne  sa  Loy  par  la  main  de  Moyse,  qui  a  parle  par  les  Prophetes:  leur  dieu  n'est  qu'une  idole.  Et  pourquoy?  Car  la  divinite  qui  est  en  Iesus  Christ  leur  est  incognue.  Or  ii