27:11  11  SERMON  LXIX.  J2  On  verra  donc  une  telle  disposition  en  des  povres  ignorans,  devant  que  Dieu  les  ait  suffisamment  enseignez,  ils  n'auront  point  la  foy  :  mais  ils  auront  une  entree  a  la  foy,  d'autant  qu'ils  seront  preparez  a  s'assuiettir  pleinement  a  ce  que  Dieu  leur  commandera.  Or  ce  mouvement-la  est-il  des  hommes,  ne  de  leur  nature?  Nenni:  c'est  Dieu  qui  a  besongne  en  leur  coeur,  et  a  fait  un  tel  preparatif  par  la  grace  de  son  sainct  Esprit:  car  de  nature  nous  ne  saurions  sinon  aller  tout  au  rebours  de  la  volonte  de  Dieu:  et  encores  que  les  hommes  ayent  quelque  devotion,  et  en  facent  semblant,  il  n'y  aura  qu'hypocrisie,  il  n'y  aura  nulle  verite  ne  rondeur.  Quand  donc  nous  aurons  quelque  bon  preparatif  de  servir  a  Dieu  :  c'estv  luy  qui  a  ainsi  besongne,  et  qui  nous  a  fait  ceste  grace.  Il  est  vray  qu'ici  est  dit:  Apporte-moy  deux  tables,  et  qu'elles  soyent  polies  de  ta  main:  cest  office-la  est  donne  a  Moyse.  Et  comment?  Le  fera-il  de  soy-mesme?  Nenni:  mais  d'autant  que  Dieu  l'a  instruit  desia  a  cela,  et  qu'il  l'a  prepare.  Voila  donc  une  grace  qui  est  de  Dieu:  mais  cependant  Dieu  nous  monstre  que  c'est  nostre  office,  combien  que  nous  ne  puissions  faire  cela  de  nostre  faculte,  c'est  a  dire,  que  nous  y  soyons  adonnez  de  nostre  propre  mouvement,  ou  vertu.  Car  ce  qui  est  de  nostre  devoir,  c'est  a  bon  droict  que  Dieu  le  requiert.  Ainsi  apprenons  que  pour  bien  profiter  en  la  doctrine  de  Dieu,  il  nous  faut  apporter  des  tables  polies.  Et  pourquoy?  Nous  voyons  que  la  plus  part  ont  leurs  esprits  raboteux,  qu'on  ne  sauroit  escrire  la  dessus.  Il  est  vray  qu'ils  viendront  au  sermon.  Mais  quoy  ?  Ils  sont  preoccupez  de  leurs  cupiditez  meschantes,  ils  en  sont  tant  souillez  que  c'est  un  horreur:  et  puis  ils  sont  pleins  d'espines,  il  n'y  a  que  vices  et  macules  en  eux:  tout  y  est  tellement  brouille  qu'on  n'y  sauroit  escrire  une  seule  lettre0  Nous  en  verrons  d'autres  qui  ont  les  aureilles  assez  battues,  tout  le  temps  de  leur  vie  on  leur  preschera  l'Evangile:  et  cependant  rien  ne  profitera,  d'autant  qu'ils  n'apportent  point  des  tables  polies,  c'est  a  dire,  qu'ils  ne  sont  point  disposez  pour  recevoir  la  parolle  de  Dieu.  Voila  donc  ce  que  nous  avons  a  retenir,  quand  Dieu  commande  a  Moyse  qu'il  doit  polir  les  deux  tables.  Que  si  nous  voulons  bien  profiter  en  la  doctrine  de  Dieu:  qu'il  ne  faut  point  que  nous  ayons  nos  coeurs  comme  pierres  souillees',  ou  on  ne  puisse  rien  discerner,  encores  qu'on  y  escrive,  tout  sera  confus:  mais  que  nous  ayons  nos  coeurs  polis,  c'est  a  dire,  que  tous  empeschemens  qui  nous  destournent  de  l'obeissance  de  Dieu  soyent  ostez.  Et  d'autant  que  nous  n'avons  point  cela  de  nature  :  nous  avons  a  prier  Dieu  qu'il  nous  face  la  grace  que  nous  puissions  si  bien  rabboter  nos  coeurs,  que  nous  les  despouillions  de  tous  nos  vices  et  corruptions,  et  que  nous  amo-