26:11  l  l  SERMON  XI.  12  de  raison,  sinon  que  Dieu  a  voulu  desployer  sa  bonte  gratuite  envers  Iacob,  et  son  lignage.  Le  peuple  d'Israel  ne  peut  pas  dire:  Nous  avons  este  plus  nobles  et  excellens:  la  primogeniture  appartenoit  a  Esau.  Ils  ne  pouvoyent  pas  dire:  Nous  avons  este  meilleurs,  non:  car  nous  voyons  que  c'a  este  un  peuple  malin  et  ingrat  du  tout.  Ainsi  donc  ce  qu'il  a  este  heritier  de  la  terre,  ne  luy  est  point  advenu  pour  dignite  qu'il  eust  de  soy,  mais  par  la  pure  misericorde  de  Dieu.  Or  tant  y  a  cependant,  que  Dieu  encores  ayant  prouveu  a  Ismael,  luy  qui  estoit  a  demi  bastard  (car  ce  n'estoit  point  un  mariage  legitime  d'Abraham  avec  Agar,  combien  que  ce  ne  fust  point  paillardise,  si  est-ce  que  ce  mariage  n'estoit  point  approuve  du  tout  de  Dieu)  si  est-ce  qu'Ismael  a  este  prouveu  de  Dieu,  quand  nostre  Seigneur  dit:  Ie  l'ay  exauce.  Si  cela  a  este  envers  Ismael,  par  plus  forte  raison  il  a  fallu  qu'Esau  eust  quelque  place,  et  que  Dieu  estendist  sa  benediction  iusques  a  ceux  qui  sont  descendus  de  son  lignage.  Pour  ceste  cause  il  luy  a  donne  la  montagne  de  Seir.  Or  la  dessus,  il  faut  que  le  peuple  d'Israel  ne  le  moleste  point,  et  qu'il  luy  laisse  le  partage  qui  luy  a  este  assigne  du  ciel.  Ici  nous  avons  a  recueillir  une  doctrine,  qui  nous  appartient  a  tous.  Combien  que  notamment  il  soit  ici  parle  de1  la  lignee  d'Esau,  et  de  ceux  qui  ont  este  nommez  Idumeens,  tant  y  a  que  Dieu  declare  (comme  nous  verrons  ci  apres  au  Cantique)  que  selon  que  les  royaumes  sont  divisez,  et  les  pays,  qu'il  a  fait  les  partages,  qu'il  a  estendu  son  eordeau.  Ne  pensons  point  que  le  monde  se  gouverne  par  fortune,  et  que  les  choses  soyent  tellement  enveloppees,  que  Dieu  ne  eonduise  le  tout  par  son  conseil  et  par  sa  main.  Il  a  donc  estendu  son  cordeau  pour  donner  a  chacun  peuple  sa  region  en  laquelle  il  habite.  Or  cependant  nous  voyons,  comme  les  hommes  ont  renverse  ces  limites.  Ils  confesseront  bien  que  c'est  une  chose  saincte  que  les  bornes.  Et  de  faict,  cela  sera  plus  punissable,  que  si  on  avoit  peche  en  un  autre  faict.  Comme  la  monnoye,  d'autant  que  c'est  le  moyen  par  lequel  les  hommes  communiquent  entre  eux,  est  une  chose  privilegee,  et  comme  sacree.  Ainsi  en  est-il  des  bornes  des  champs:  car  sans  cela  tout  sera  confus,  que  les  hommes  s'entremangeront.  Nous  confesserons  bien  cela  quant  a,  un  champ  ou  a  un  pre:  mais  on  voit  que  l'orgueil  et  l'ambition,  et  la  cupidite  des  hommes  insatiable,  ont  tellement  transporte  tous  leurs  esprits,  qu'il  n'ont  point  eu  depuis  honte  de  renverser  les  bornes  que  Dieu  avoit  mises.  Car  tous  ceux  qui  ont  entreprins  guerre  contre  leurs  voisons  pour  s'augmenter,  n'ont-ils  pas  attente  contre  cest  ordre  qui  doit  estre  inviolable?  Ainsi  nous  voyons  comme  les  hommes  sont  enragez  pour  despiter  Dieu  en  leur  ambition,  et  cupiditez.  Et