20:11  11  EPISTOLAE  3949.3950  12  porter  telle  reverence  que  ie  debvois,  et  avoir  pareille  affection  de  memploier  a  vous  faire  service,  desirant  que  Dieu  m'en  donnat  le  moien:  car  ie  ne  puis  estre  son  serviteur,  que  ie  nayme  et  honore  les  vertus  excellentes  qu'il  a  mises  en  vous.  Mais  pource  que  ie  ne  pouvois  mieulx,  ie  me  suis  contente  iusques  a,  maintenant  d'avoir  souvenance  de  vous,  priant  le  pere  celeste  de  vous  conserver  et  acroistre  en  vous  les  dons  de  son  esprit.  Et  daultant  plus  ay  ie  este  ioyeulx,  aiant  entendu  par  le  porteur  lequel  est  a,  vostre  service,  que  de  vostre  grace  vous  m'aviez  donne  ouverture  a  faire  ce  que  ie  n'osois  pas,  encores  que  ien  eusse  bonne  devotion.  Ie  vous  remercie  doncques  humblement,  Monseigneur,  de  ce  qu'il  vous  a  pleu  me  mander  ie  bon  vouloir  que  vous  avez  envers  moy,  non  seulement  pource  que  ie  prise  beaucoup  d'estre  en  vostre  bonne  grace,  mais  daultant  que  vous  m'avez  donne  occasion  de  vous  declerer  combien  ie  vous  suis  affectionne  serviteur.  Ce  pendant  daultant  que  ie  ne  le  puis  demonstrer  par  aultre  effect  qu'en  procurant  vostre  salut  et  j  applicquant  ce  que  Dieu  ma  donne,  iauray  la  mon  refuge.  Cest  de  vous  prier,  Monsieur,  et  exhorter  au  nom  de  Dieu  de  prendre  couraige  a  poursuyvre  ce  que  vous  avez  si  bien  et  heureusement  commence.  Depuis  quelque  temps  vous  avez  este  pour  ung  homme  de  vostre  estat  et  qualite  examine  au  vif,  et  Dieu  vous  a  donne  vertu  invincible  pour  suffire  a  tout.  Ce  a  este  une  bonne  approbation  de  vostre  foy.  Mais  vous  ne  pouvez  estre  trop  adverty  que  ce  nest  point  la  fin,  et  quil  vous  reste  a  batailler  contre  beaucoup  de  tentations.  Car  la  crestiente  ne  se  demonstre  pas  seulement  a  porter  les  armes  et  exposer  corps  et  biens  pour  maintenir  la  querelle  de  l'evangile,  mais  a  nous  assubiectir  plainement  en  l'obeissance  de  celuy  qui  nous  a  tant  cherement  acquis,  a  fin  d'estre  gloriffie  en  nostre  vie  et  en  nostre  mort.  Voicy  donc,  Monsieur,  enquoy  il  vous  fault  perseverer,  en  ne  vous  lassant  point  de  combatre  non  pas  seulement  a  lespee  contre  les  ennemys  visibles,  mais  contre  tout  ce  qui  vous  pourroit  distraire  ou  empescher  de  bon  chemin.  Qui  plus  est,  oultre  ce  que  nous  sommes  tant  fragilles  et  que  nous  avons  a  soustenir  des  combatz  interieurs  en  nombre  infini,  le  diable  ne  cesse  de  nous  susciter  beaucoup  de  traverses,  ou  pour  nous  faire  tourner  bride,  ou  pour  nous  faire  refroidir.  Ainsy  quant  il  est  question  de  repos  regardons  au  ciel,  quelque  relasche  que  Dieu  nous  donne  icy  bas  pour  long  temps.  Ie  ne  dicts  pas  cecy  par  deffiance,  pource  que  ie  me  tiens  asseure  que  Dieu  qui  vous  a  donne  de  si  bonnes  marques  ne  vous  abandonnera  iamais.  Mais  vous  experimentez  assez,  Monsieur,  que  nous  ne  pouvons  pas  estre  trop  bien  munis  pour  resister  a,  tant  de  tentations  dont  nous  som-