11:11  EPISTOLAE  206.207  nos  omnes  error  ille,  quod  putavimus  vobis  reconciliatum.  Nam  hac  eum  lege  recepimus  ut  ratae  manerent  omnes  pactiones  quibus  Agathopoli  vobiscum  rediisset  in  gratiam.  Si  redierit,  cavebimus  ne  quid  nostra  facilitas  detrimenti  vobis  afferat.  Illic  nescio  an  poterit  nocere  etiamsi  velit.  Si  de  nobis  obloquatur,  vix  ut  spero  audietur:  scio  enim  Iametium2)  de  nobis  melius  sentire  quam  ut  temere  admittat  ullam  criminationem.  Ego  quoque,  ut  verum  fatear,  illum  Bognaco  commendavi,  sed  in  hanc  formam,  quod  resipuisset,  quod  se  ad  nos  recepisset,  quod  agnita  culpa  veniam  impetrasset:  nos  sperare  illum  ex  animo  ad  nos  reversum.  Itaque  rogabam,  si  se  non  aliter  gereret  quam  decet  Christi  servum,  ne  quid  illa  alienatio  ei  obesset.  Non  venit  ad  Rognacwm,  ideo  non  usus  est  ea  commendatione.  Illic  tamen  Alexander  receptus  est  in  gratiam  Bobertivallis,  s)  cuius  fuisse  olim  in  familia  nosti.  Quum  huc  postea  missus  esset,  scripsi  Bognaco  me  conscientia  fuisse  impeditum,  quominus  domi  reciperem  aut  cum  eo  verba  facerem.  Ipse  humaniter  excusavit  se  ignorantia  peccasse,  quod  excommunicatum  esse  nesciebat.  Venturus  autem  huc  est  cum  uxore  hac  quadragesima.  Tum  de  Carolo  diligenter  percontabor.  Quod  quereris  sacrum  ministerium  tam  misere  istic  collapsum,  sic  res  habet.  Quocunque  vertas  hodie  oculos,  innumera  reperias  quae  deplores.  Ego  certe  dum  finem  nullum  video,  animum  prorsus  desponderem,  nisi  me  haec  una  cogitatio  sustineret,  quod  opus  Domini,  quidquid  accidat,  nunquam  est  deserendum.  Tamen  inter  tot  mala  interdum  aliquid  dat  Dominus  quod  nos  recreet.  Hermannus,4)  qui  adversus  nos  Genevae  disputavit,  diem  a  me  petiit  &d  colloquendum.  In  paedobaptismo,  in  humanitate  Christi,  in  aliis  quibusdam,  se  graviter  lapsum  esse  iam  fatetur.  Sunt  alia  quaedam  in  quibus  nonnihil  haeret:  sed  bona  spes  est  tot  difficultatibus  perruptis.  Comes  Ioannis  tandem  puerum  quem  habet  natu  satis  grandem5)  obtulit  ad  baptismum.  Ignovi  aliquamdiu  eius  infirmitati,  quum  diceret  sibi  constare  optimam  rationem  differendi.  Tandem  dixit,  se  non  morari  eos  quorum  pervicacia  nullo  modo  frangi  queat.  Quod  de  ingressu  Caesaris  istic  fertur  est  fabulosum:  hominem  illic  habebant  nostri  qui  omnia  perspiceret.  Certum  est,  de  rebus  seriis  nullum  sermonem  fuisse  habitum.  Verum  dictus  est  dies  ad  Calendas  Martias,  quo  simul  Caesar  et  Bex  Sa-  2)  Gruillaume  de  la  Mark  Seigneur  de  Iametz.  3)  N.  193,  not.  22.  4)  Her  m.  de  Gerbihan,  Leodiensis,  anabaptista.  Cf.  N.  56.59.  Gaberel,  L  280.  Kampsch.  I.  294.  OU,  Ann.  p.  98.  5)  rather  big  for  his  age.  .  Simler  emendandum  putat:  Ioannes.