10.1:11  ORDONNANCES.  Les  vices  qui  seront  a  corriger  en  ceste  maniere  sont  ceux  que  vous  aves  ouy  parauant  nommes  de  S.  Paul  et  telz  semblables.  Quant  quelques  aultres,  comme  voysins  ou  parens  auroyent  cognoyssance  des  vices,  premier  que  les  dicts  desputez  sen  appereeussent,  jl  en  pourroyent  eux  mesmes  fayre  1a  remonstrance,  et  quant  il  cognoestroient  ny  fayre  par  eux  aulcun  proffit,  il  auroyent  a  en  aduertir  jceux  desputez  pour  proceder  en  leur  office.  Vela  comment  jl  nous  semble  vng  bon  moyen  de  reduyre  lexcommunication  en  nostre  esglise  et  lentretenir  en  son  entier,  et  oultre  ceste  correction  lesglise  na  poent  a  proceder.  Mais  sil  y  en  avoyt  de  si  jnsolens  et  habandonnez  a  toute  peruersite  quil  ne  se  fissent  que  rire  destre  excommuniez  et  ne  se  souciassent  de  vivre  et  morir  en  telle  reiection,  ce  sera  a  vous  a  regarder  si  vous  aures  a  souffrir  a  la  longue  et  laisse  jmpugny  vng  tel  contempnement  et  une  telle  mocquerie  de  Dieu  et  de  son  euangille.  Dauantage  pour  ce  quil  y  a  grandes  suspicion  s  et  quasi  apparences  euidentes  quil  y  a  encore  plusieurs  habitans  en  ceste  ville  qui  ne  se  sont  aulcunement  renge  a  leuangille,  mys  ill)  contredisent  tant  quil  peuuent  nourissant  en  leur  cueur  toutes  les  supersticions  contrepetantes  contra  la  parolle  de  Dieu,  ce  seroyt  vne  chose  bien  expediente  de  commencer  premierement  a  congnoestre  ceux  qui  se  veulent  aduoyer  de  lesglise  de  Iesucrist  ou  non.  Oar  sil  est  besoing  de  mesmes  reiecter  par  excommunication  de  nostre  assemblee  ceux  qui  vrayment  et  a  juste  cause  auroyent  par  auant  este  tenus  comme  membres  dicelle,  combien  plus  est  il  necessayre  de  discerner  lesquelz  on  doyt  recepuoyr  pour  membres  ou  lesquelz  on  ne  doyt  accepter.  Secundement  jl  est  certain  quil  ny  a  nulle  plus  grande  diuision  que  de  la  foy,  et  pourtant  si  ceux  qui  conuiennent  en  foy  auecq  nous  seullement  pour  leurs  vices  doibuent  estre  excommuniez,  par  plus  forte  rayson  ceux  ne  doibuent  estre  tollerez  en  lesglise  qui  sont  en  tout  contrayres  a  nous  en  religion.  Le  remesde  doncq  que  auons  pense  a  cecy  est  de  vous  supplier  que  tous  les  habitans  de  vostre  ville  ayent  a  fere  confession  et  rendre  rayson  de  leur  foy,  pour  cognoistre  lesquelz  accordent  a  leuangille  et  lesquelz  ayment  mieux  estre  du  royaulme  du  pape  que  du  royaulme  de  Iesucrist.  Ce  seroyt  doncq  ung  acte  de  magistratz  crestiens  si  vous,  Messieurs  du  Conseil,  chascun  pour  soy,  faysiez  en  vostre  conseil  confession  par  laquelle  on  entendist  que  la  doctrine  de  vostre  foy  est  vrayement  celle  par  laquelle  tous  les  fidelles  sont  vnis  en  vne  eglise.  Car  par  vostre  exemple  vous  monstreriez  ce  que  vng  chascun  auroyt  a  fayre  en  vous  ensuivant:  et  apres  ordonniez  aulcuns  de  vostre  1)  mais  y.