9:109  109  CONTRA  WESTPHALUM.  110  tris  stultescere,  ut  sobrie  ac  spiritu  mansuetudinis  amplectainur  quae  Deus  parvulos  docet,  ac  sapientiam  illam  tenere  nos  confidimus,  quae  teste  Paulo  (Ephes.  3,  18),  sua  latitudine,  longitudine,  profunditate,  et  altitudine  coelum  et  terram  comprehendit.  Sed  Westphalo  nihili  est  inaestimabilis  Dei  caritas,  qua  nos  in  filio  unigenito  complexum  est,  totum  redemptionis  mysterium,  immensa  Christi  virtus,  et  resurrectionis  eius  gloria,  nisi  panis  substantialiter  sit  corpus.  Pro  nihilo  etiam  est  quod  tradimus  Christum  spiritu  suo  vivificam  in  nos  carnis  suae  et  sanguinis  virtutem  influere,  mirabiliter  ipsum  intus  praestare,  quod  oculis  panis  figurat,  [pag.  146]  ut  coalescamus  in  eius  vitam,  et  substantia  carnis  eius  animae  nostrae  vegetentur.  Quare  sit  ipse  sibi  potius  quam  aliis  monitor,  ne  se  aliquem  putando,  quum  nihil  sit,  se  ipsum  fallat  (Gal.  6,  B).  Non  enim  nisi  incredibili  superbia  ebrius  prae  se  alios  ita  despiceret,  quicunque  cius  obstinationi  suppliciter  non  cedunt.  Hinc  etiam  illa  querimonia,  blasphemiam  irrogatam  esse  Deo,  quia  ipse  insanus  habitus  fuerit.  Si  ita  est,  nullo  gloriae  Dei  zelo  affici  constat,  qui  ad  mentis  sanitatem  redire  non  studet.  Verum  donec  sanctiore  vinculo  Deo  sit  coniunctus,  timendum  minime  est,  ne  si  quid  suo  merito  audit,  in  Dei  contumeliam  redundet.  Derisi  fuerunt  apostoli  in  die  Pentecostes,  ac  si  ebrii  fuissent:  sed  id  ad  se  Westphalus  nihilo  maiori  iure  transfert,  quam  Phoebades  ac  Bacchae.  l)  Nec  certe  maiore  probro  foedare  posset  apostolos,  quam  se  ingerendo  in  eorum  ordinem,  donec  novo  spiritu  imbutus,  et  transformatus  in  alios  mores,  similis  sui  esse  descrit.  Nam  sicuti  sacrilegum  ludibrium  fuit,  ebrietatis  loco  haberi  spiritus  afflatum,  ita  fallaci  Dei  praetextu  intemperanter  furere,  ebrietate  deterius  malum  est.  Quanquam  autem  in  Lutheri  [pag.  147]  vehementia  modum  iure  sani  et  aequi  homines  desiderant,  longius  tamen  ab  eo  abest  Westphalus,  quam  ut  sub  eius  umbra  dedecus  suum  occultet.  Damnari  pro  insanis  in  scriptura  concedimus,  qui  corrupti  sunt  in  fide:  sed  quum  inde  colligit  nos  non  ante  fore  sanos,  quam  errorem  nostrum  detestemur,  miror  ex  quo  fonte  suum  illud  Ergo2)  derivet.  Nam  quod  hic  quasi  furtim  interserit,  in  sacra  coenae  actione  quosdam  nostrum  satanico  furore  percitos  omittere  Christi  verba:  Hoc  est  corpus  meum,  tantidem  aestimandum  est,  ac  si  meretrix  vel  leno  confictis  ex  tempore  conviciis  obvium  quemque  incesseret.  Arrogantiae  crimen  ita  diluit,  ut  verbo  negans,  solidis  argumentis  se  Thrasonem3)  esse  demonstret.  Nihil  se  alienum  a  sua  professione  facere  putat,  1)  quelque  folle  de  ces  devineresses  du  temps  passe.  2)  cet  Ergo  la.  3)  un  vray  Roland.