8:109  109  SUR  L'ELECTION  ETERNELLE.  no  Or  ceste  nature  humaine  a  este  exaltee  en  une  dignite  merveilleuse;  car  Iesus  Christ  estant  Dieu  et  homme,  est  toutesfois  Fils  de  Dieu:  ie  dy,  Fils  unique,  Fils  naturel.  Qu'est-ce  qu'a  merite  la  nature  humaine  qui  est  en  Iesus  Christ?  Car  elle  procede  de  la  race  d'Adam;  il  falloit  qu'il  fust  de  la  semence  de  David,  ou  autrement  il  n'eust  point  este  nostre  Sauveur.  Il  a  este  conceu  de  sa  mere  d'une  facon  miraculeuse,  mais  tant  y  a  qu'il  est  venu  de  la  race  [page  41]  de  David,  d'Abraham  et  d'Adam.  Ce  qu'il  a  este  sanctifie  et  qu'il  n'a  point  este  subiet  a  mesme  corruption  que  nous,  cela  est  venu  de  la  grace  admirable  de  Dieu  et  excellente.  Mais  tant  y  a,  que  si  nous  considerons  la  nature  humaine  de  Iesus  Christ,  elle  n'avoit  point  merite  d'estre  exaltee  en  ce  degre  d'honneur,  pour  dire:  Voila  celuy  qui  dominera  par  dessus  les  Anges,  devant  lequel  tout  genouil  se  ployera.  Quand  nous  considerons  une  telle  grace  de  Dieu  en  nostre  Chef,  ne  faut-il  pas  qu'un  chacun  de  nous  entre  en  soy-mesme  pour  cognoistre:  Dieu  m'a  esleu,  moy  qui  estoye  banny  et  reiette  de  son  Royaume.  Ie  n'avoye  aucune  chose  en  moy  qui  luy  peust  estre  agreable,  et  neantmoins  il  m'a  choisi  pour  estre  des  siens.  Ne  faut-il  pas  bien  que  nous  cognoissions  une  telle  grace,  pour  la  magnifier?  Quand  donc  nous  viendrons  a  contempler  cela,  nous  crions  avec  sainct  Paul:  O  hautesse!  C'est  pour  nous  monstrer  que  nous  ne  serons  point  vrais  disciples  du  sainct  Esprit,  iusques  a  ce  que  nous  ayons  este  ravis  en  [page  42]  admiration.  Quand  nous  pensons  aux  secrets  de  Dieu,  que  nous  confessons  que  nous  ne  sommes  pas  encores  capables  pour  les  comprendre.  Et  au  reste,  il  nous  faut  maintenant  venir  aux  reprouvez.  Car  tout  comme  Dieu  en  a  esleu,  il  a  aussi  reiette  tous  ceux  que  bon  luy  a  semble,  et  l'un  emporte  l'autre.  Car  quand  il  y  a  election,  ce  n'est  pas  qu'on  prenne  tout,  mais  on  eslit  une  partie.  Or  de  ceux  qui  sont  reprouvez,  il  est  vray  que  nous  le  pourrions  trouver  estrange  comment  Dieu  les  reiette,  veu  qu'ils  sont  ses  creatures.  Mais  il  nous  faut  penser  quels  nous  sommes  en  Adam,  et  ce  que  nous  en  avons.  Nous  sommes  en  luy  tous  perdus  ou  damnez.  Si  Dieu  nous  reiettoit  tous,  depuis  le  premier  iusques  au  dernier,  nous  n'avons  que  faire  de  plaider  a  l'encontre  de  luy:  car  s'il  nous  fait  droict,  nous  meritons  d'estre  abysmez  aux  enfers.  Or  maintenant  si  Dieu  a  choisi  aucuns  et  que  toutesfois  les  autres  soyent  reiettez,  faut-il  que  nostre  oeil  soit  malin,  quand  il  exercera  une  telle  authorite  qui  luy  appartient?  Ainsi  qu'il  nous  est  monstre  [page  43]  en  ceste  similitude  que  nostre  Seigneur  Iesus  amene  quand  il  dit:  Si  ie  suis  bon  et  liberal,  ton  oeil  sera-il  malin?  Or,  il  parle  la  de  ceux  qui  murmuroyent  a  cause  que  le  pere  de