7:109  109  CONTRE  LES  ANABAPTISTES.  110  pitre  de  la  premiere  aux  Corinthiens  (v.  47),  ou  S.  Paul  dict,  que  le  premier  Adam  a  este  terrestre,  faict  de  terre:  le  second  est  celeste,  estant  venu  du  ciel.  De  la  les  Anabaptistes,  a  l'exemple  des  Manichiens  leurs  predecesseurs,  concluent  que  Iesus  Christ  donc  a  eu  un  corps  celeste,  et  non  pas  forme  ny  cree  de  semence  humaine:  c'est  a  dire  de  la  substance  [page  123]  de  la  vierge  sa  mere.  La  solution  de  cest  argument  gist  a  regarder  le  propos  que  demene  la  sainct  Paul  et  continuer  une  sentence  avec  l'autre:  non  pas  de  coupper  et  retrancher  un  mot,  pour  depraver  le  sens.  S.  Paul  donc  ayant  a  monstrer  dont  vient  la  mort,  et  dont  vient  la  resurrection:  assavoir,  la  premiere  d'Adam,  la  seconde  de  Iesus  Christ,  entre  autres  choses  dict:  que  Adam  a  este  faict  en  ame  vivante,  Iesus  Christ  en  Esprit  vivifiant.  Or  par  cela  il  n'entend  pas  de  nier  que  Iesus  Christ  n'ait  eu  une  ame  semblable  a  la  nostre:  mais  il  signifie  qu'il  avoit  d'avantage:  assavoir,  son  esprit,  qui  non  seulement  est  vivant,  mais  a  en  soy  la  vertu  de  vivifier.  Puis  apres  il  adiouste  que  le  premier  Adam  a  este  terrestre,  entant  qu'il  estoit  de  terre:  que  Iesus  Christ  est  celeste,  estant  venu  du  ciel.  Il  n'y  a  doute  que  ce  passage  ne  se  doive  prendre  comme  l'autre,  de  la  qualite  de  Iesus  Christ,  et  non  pas  de  la  substance.  I'entens  de  ceste  vertu  supernaturelle  et  divine,  qu'il  a  du  ciel  comme  filz  de  Dieu,  et  non  pas  de  la  terre  comme  homme  mortel.  Et  de  faict,  comme  nous  avons  dict,  le  fondement  que  prent  la  sainct  Paul,  pour  nous  confermer  en  l'esperance  de  la  resurrection,  seroit  nul,  si  Iesus  Christ  avoit  une  autre  substance  de  [page  124]  corps  que  nous.  Ilz  alleguent  puis  apres  qu'il  a  este  conceu  du  sainct  Esprit.  Mais  ceste  vertu  du  sainct  Esprit  n'est  pas  pour  exclurre  la  substance  de  la  mere.  Il  est  vray  qu'il  n'y  a  pas  eu  conionction  d'homme  et  de  femme  pour  l'engendrer  selon  l'ordre  naturel  des  autres.  Mais  cela  n'empesche  pas,  que  par  l'operation  miraculeuse  du  S.  Esprit  il  n'ait  este  forme  de  la  substance  de  sa  mere,  pour  estre  vrayement  semence  d'Abraham,  et  fruict  du  ventre  de  David:  comme  le  mesme  esprit  l'avoit  nomme  long  temps  au  paravant.  Ie  say  bien  leur  replique,  qu'il  y  auroit  inconvenient  en  cela,  d'autant  que  toute  la  semence  humaine  est  maudicte  et  corrompue,  et  ainsi  que  le  Seigneur  Iesus  seroit  descendu  de  corruption.  Mais  ie  respons  que  ceste  conception  miraculeuse  oste  ceste  difficulte.  Car  ce  que  le  sainct  Esprit  est  intervenu,  a  este  pour  le  sanctifier  des  le  commencement,  et  en  le  sanctificant,  le  preserver  a  ce  qu'il  ne  fust  entache  d'aucune  pollution  du  genre  humain.  Pour  ceste  cause  sainct  Paul  dit  qu'il  a  prins  similitude  de  chair  de  peche,  pour  en  icelle  condamner  le  peche  (Rom.  8,  3).  Car  en  prenant  nostre  chair,  il  n'a  pas  prins  le  peche:  d'autant