6:109  CATECHISMUS  GENEVENSIS.  L'ENFANT.  Comme  elle  nous  est  comprinse  es  sainctes  Escritures.  LE  MINISTRE.  Comment  faut-il  que  nous  en  usions  pour  ec  avoir  le  profit?  L'ENFANT.  En  la  recevant  en  pleine  certitude  de  conscience,  comme  verite  procedee  du  Ciel:  nous  submettant  a  icelle  en  droicte  obeissance,  l'aymant  de  vraye  affection,  efc  entiere,  Payant  imprimee  en  noz  cueurs,  pour  la  suyvre,  et  nous  conformer  a  icelle.  LE  MINISTRE.  Tout  cela  est-il  en  nostre  puissance?  L'ENFANT.  Il  n'y  en  a  du  tout  rien  :  mais  c'est  Dieu  qui  besongne  en  nous  en  telle  sorte,  par  son  sainct  Esprit.  LE  MINISTRE.  Mais  ne  faut  il  pas  que  nous  mettions  peine  et  diligence  a  ouyr  et  lire  la  doctrine,  laquelle  nous  y  est  monstree?  L'ENFAN  I  Ouy  bien.  Et  premierement,  que  chascun  on  son  particulier  y  travaille.  Et  sur  tout,  que  nous  frequentions  les  predications,  ausquelles  ceste  Parolle  est  exposee  en  l'Assemblee  des  Chrestiens.  LE  MINISTRE.  Entens-tu  qu'il  ne  suffist  pas  de  lire  en  sa  maison,  sinon  que  tous  ensemble  oyent  une  doctrine  commune?  L'ENFANT.  Ie  l'entens  ainsi:  cependant  que  Dieu  en  donne  le  moyen.  LE  MINISTRE.  La  raison?  L'ENFANT.  Pource  que  Iesus  Christ  a  estably  cest  ordre  en  son  Eglise  (Eph.  4,  11),  non  pas  pour  deux  ne  pour  trois,  mais  pour  tous  generallement:  et  a  declaire  que  c'est  le  seul  moyen  de  l'edifier  et  entretenir.  Ainsi  il  nous  faut  la  tous  renger,  et  n'estre  pas  plus  sages  que  nostre  Maistre.  LE  MINISTRE.  [fol.  56]  Est-ce  donc  chose  necessaire  qu'il  y  ait  des  Pasteurs?  1)  docibiles  1550  in  Cat.  et  ap.  Gailas.  2)  cum  praecedentibus  magis  convenit.  Sic  primus  Gallasius.