58:109  109  DE  IACOB  ET  ESAU.  110  charge  point  de  blasmes  et  de  crimes.  Le  moien  seroit  de  nous  gouverner  en  sorte  que  tous  fussent  convaincus:  que  premierement  la  crainte  de  Dieu  domine  en  nous,  et  puisque  nous  conversions  avec  les  hommes  en  charite  et  en  droiture,  selon  que  Dieu  nous  le  commande.  Si  nous  avions  cela,  il  est  certam  que  nous  clorrions  beaucoup  de  bouches  malignes.  Or  il  est  vrai  que  les  plus  saints  ne  pourront  pas  empescher  qu'on  ne  mesdise  d'eux  souventesfois  :  car  le  Fils  de  Dieu  mesme  n'a-il  point  este  suiet  a  opprobres  et  calomnies?  ne  lui  a-on  point  reproche  qu'il  blasphemoit  contre  Dieu  son  pere?  Mais  tant  y  a  que  l'Escriture  ne  dit  point  sans  cause,  que  nous  fermons  la  bouche  aux  malins,  quand  nous  evitons  tous  scandales,  et  que  non  seulement  nous  mettons  peine  de  nous  abstenir  de  mal,  mais  de  toute  espece  aussi.  Pourtant  ceux  qui  ont  si  grand  soin  de  leur  reputation,  qu'ils  ne  peuvent  souffrir  qu'on  les  degrade  ou  en  une  facon  ou  en  l'autre,  qu'ils  avisent  du  moien  :  c'est  assavoir,  de  prevenir  qu'ils  ne  soient  point  blasmez  a  tort,  et  qu'en  cela  ils  ensuivent  l'exemple  d'Isaac.  Car  nous  voions  comme  estant  estranger  en  un  pais  barbare,  ou  il  n'y  avoit  qu'idolatries,  neantmoins  si  est-ce  qu'il  est  desia  repute  homme  craignant  Dieu,  et  que  on  n'a  peu  assoir  mauvais  iugement  sur  lui.  Et  pourquoy?  D'autant  qu'on  estoit  convaincu  du  contraire  par  sa  bonne  vie  et  honnestete.  Faisans  ainsi,  il  est  certain  que  nous  empescherons  beaucoup  de  calomnies  et  beaucoup  de  blasmes.  Or  cependant  nous  avons  aussi  a  noter,  qu'alors  il  y  avoit  telle  honnestete  entre  les  hommes,  que  si  un  homme  se  iouoit  privement  avec  une  femme,  c'estoit  par  mariage.  Or  auiourd'hui,  tout  est  si  desborde,  qu'il  faut  fermer  les  yeux  aux  plus  grandes  vilenies  du  monde.  Qu'on  aille  par  les  cours,  o,  il  est  certain  que  la  les  desbauchemens  sont  si  desreglez,  qu'on  ne  discerne  plus  rien.  Et  mesme  qu'un  mari  voye  a  l'oeil  manier  sa  femme,  qif  on  en  abuse  comme  d'une  paillarde,  il  faudra  qu'il  face  bonne  mine  :  car  s'il  monstre  quelque  signe  d'en  estre  marri,  et  qu'il  n'en  rie  avec  les  autres,  O,  le  ialoux,  dira-on,  le  fol,  le  badin,  Voila  comme  il  en  est:  car  on  est  venu  iusques  au  comble  d'iniquite,  en  sorte  qu'on  a  perdu  toute  vergongne  d'autant  que  les  hommes  se  sont  donnez  licence  si  brutale,  qu'il  n'y  a  plus  d'honnestete  entre  eux.  Et  pleust  a  Dieu,  que  ce  mal-la  encore  ne  fust  qu'en  ces  cours  :  mais  e'est  un  deluge,  qu'on  verra  en  tous  estats,  voire  iusques  aux  plus  petis,  tant  de  gestes  d'incontinence  et  de  dissolution,  que  c'est  pitie  Or  regardons  combien  nous  sommes  loin  de  ceux  qui  estoient  comme  povres  aveugles,  n'aions  nulle  cognoissance  de  Dieu,  n'aions  point  de  Loy  escrite,  n'aians  mesmes  nulle  revelation:  et  neantmoins  il  y  a  eu  encores  ceste