56:109  109  EXODE.  110  et  toutes  les  peines  qui  leurs  estoyent  survenues  par  le  chemin,  et  comment  l'Eternel  les  en  avoit  delivrez.  9.  Et  Iethro  s'esiouit  de  tout  le  bien  que  l'Eternel  avoit  fait  a  Israel,  en  le  delivrant  de  la  main  des  Egyptiens.  10.  Et  Iethro  dit,  Benit  soit  l'Eternel,  qui  vous  a  delivrez  de  la  main  des  Egyptiens,  et  de  la  main  de  Pharao,  qui  a  delivre  le  peuple  de  la  suietion  d'Egypte,  l  l  .  Ie  cognoy  maintenant,  que  l'Eternel  est  grand  par  dessus  tous  les  dieux:  car  selon  qu'ils  les  ont  traittez  tierement,  il  leur  a  fait.1)  12.  Iethro  aussi  beau-pere  de  Moyse,  offrit  holocaustes  et  sacrifice  a  Dieu,  et  Aaron  et  tous  les  anciens  d'Israel  veinrent  pour  manger  du  pain  avec  le  beau-pere  de  Moyse,  en  la  presence  de  Dieu.  13.  Il  adveint  le  lendemain,  comme  Moyse  tenoit  le  siege  pour  iuger  le  peuple,  et  que  le  peuple  se  presentoit8)  a  Moyse,  depuis  le  matin  iusques  au  vespre.  14.  Lors  le  beau-pere  de  Moyse  voyant  tout  ce  qu'il  faisoit  au  peuple,  dit,  Qu'est  ceci  que  tu  fais  au  peuple?  pourquoy  es-tu  assis  seul,  et  tout  le  peuple  se  tient  aupres  de  toy,  depuis  le  matin  iusques  au  vespre?  15.  Et  Moyse  respondit  a  son  beau-pere,  C'est  que  le  peuple  vient  a  moy,  pour  cercher  Dieu.  16.  Quand  ils  ont  quelque  cause,  ils  vienent  a  moy:  lors  ie  iuge  entre  l'un  et  l'autre,  et  notifie  les  ordonnances  de  Dieu,  et  ses  loix.  17.  Mais  le  beau-pere  de  Moyse  luy  dit,  La  chose  que  tu  fais  n'est  pas  bonne.  18.  Tu  defaudras,3)  toy  et  ce  peuple  qui  est  avec  toy.  Car  l'affaire  est  trop  grief  pour  toy:  tu  n'y  pourrois  fournir  toy  seul.  19.  Escoute  a  ceste  heure  ma  voix:  Ie  te  conseilleray,  et  Dieu  sera  avec  toy.  Sois  pour  le  peuple  envers  Dieu,  et  rapporte  les  causes  a  Dieu.  20.  Et  les  instruy  des  ordonnances  et  loix,  et  leur  fay  cognoistre  la  voye  par  laquelle  ils  chemineront,  et  l'oeuvre  qu'ils  feront.  21.  Et  toy,  prou  voy  d'entre  tout  le  peuple,  d'hommes  vertueux,  craignans  Dieu,  d'hommes  veritables,  haissans  avarice:  et  les  constitue  sur  eux  gouverneurs,  sur  mille  hommes,  et  centeniers,  cinquanteniers,  et  dizeniers.  22.  Lesquels  iugeront  le  peuple  en  tout  temps  :  mais  ils  te  rapporteront4)  toute  cause  d'importance:  et  iugeront  toute  petite  cause.  Ainsi  tu  seras  soulage,  quand  ils  porteront  leur  part  avec  toy.  23.  Si  tu  fais  ceci,  et  que  Dieu  te  le  commande,  tu  pourras  consister,  et  tout  le  peuple  s'en  ira  paisiblement  en  son  lieu.  24  Moyse  obeit  a  la  voix  de  son  beaupere,  et  fit  tout  ce  qu'il  luy  avoit  dit.  25.  Ainsi,  Moyse  eleut  de  tout  Israel,  hommes  vertueux,  et  les  constitua  chefs  sur  le  peuple,  gouverneurs  sur  milliers,  centeniers,  cinquanteniers,  et  dizeniers.  26.  Lesquels  iugeoyent  le  peuple  en  tout  temps:  *)  46  suiv.  .  O.  ornet  les  derniers  mots.  2)  54  suiv.  .  O.  46  assistoit  aupres.  De  meme  au  v.  14.  3)  59,  .  o  suiv.  tu  t'amatis.  4)  O.  refereront  (v.  26).