52:109  109  CAPUT  ii.  110  per  decreta.  Hanc  igitur  lectionem  quam  posui,  ut  vera  est  ac  genuina,  retine.  Sustulit  e  medio,  affixum  cruci.  Modum  ostendit  quo  Christus  chirographum  induxit.  Nam  sicuti  affixit  cruci  suae  nostram  maledictionem,  nostra  peccata,  poenas  etiam  nobis  debitas:  ita  et  illam  servitutem  legis,  et  quidquid  ad  ligandas  conscientias  pertinet.  Affixus  enim  cruci  in  se  recepit  omnia:  ideoque  ligavit,  ne  quid  amplius  iuris  in  nos  habeant.  15.  Exspolians  principatus.  Diabolos  procul  dubio  intelligit,  quibus  has  partes  assignat  scriptura,  quod  nos  accusant  coram  Deo.  Atqui  Paulus  exarmatos  esse  dicit,  ne  quid  adversum  nos  proferant,  ipsa  testificatione  reatus  nostri  abolita.  Nominatim  vero  hoc  addit,  quo  significet  victoriam  Christi,  quam  de  Satana  sibi  et  nobis  peperit,  a  pseudoapostolis  deformari:  et  nos  privari  illius  fructu  quando  caeremonias  veteres  restituunt.  Nam  si  libertas  nostra  spolium  est,  quod  Christus  diabolo  eripuit,  quid  alii  faciunt  qui  nos  volunt  in  servitutem  redigere,  nisi  quod  spolia  restituunt  Satanae,  quibus  nudatus  fuerat?  Triumphans  de  his  in  illa.  Patitur  quidem  sermo  graecus  ut  legamus  in  se  ipso.1)  Imo  maior  pars  codicum  habet  ev  aox(p  cum  adspiratione:  sed  omnino  postulat  loci  circumstantia  ut  aliter  legamus.  Quod  enim  de  Christo  frigide  esset  dictum,  concinne  ad  crucem  refertur.  Quemadmodum  enim  crucem  prius  comparaverat  insigni  trophaeo,  vel  pompae  triumphi,  in  qua  traduxit  Christus  suos  hostes:  ita  etiam  nunc  similem  facit  currui  triumphali,  in  quo  conspicuus  apparuit.  Etsi  enim  in  cruce  nihil  nisi  maledictio:  sic  tamen  absorpta  fuit  virtute  filii  Dei,  ut  quodammodo  novam  naturam  induerit.  Nullum  enim  tribunal  tam  magnificum,  nullus  regalis  thronus  tam  praeclarus,  nulla  tam  insignis  triumphi  pompa,  nullus  tam  sublimis  currus,  quam  sit  illud  patibulum,  in  quo  Christus  mortem  et  diabolum  mortis  principem  subegit,  adeoque  penitus  contrivit  sub  pedibus  suis.  16.  Itaque  ne  quis  vos  iudicet  vel  in  cibo,  vel  in  potu,  vel  in  parte  diei  festi,  vel  neomeniae,  vel  sabbathorum:  17.  quae  sunt  umbra  futurorum,  corpus  autem  Christi.  18.  Ne  quis  vobis  palmam  eripiat,  volens  in  humilitate  et  cultu  angelorum  id  facere,  in  ea  quae  non  vidit  se  ingerens,  frustra  inflatus  a  mente  carnis  suae,  19.  et  non  tenens  caput,  ex  quo  totum  corpus  per  iuncturas  et  connexiones  subministratum  et  compactum  crescit  incremento  Dei.  16.  Itaque  ne  quis.  Quod  de  circumcisione  *)  Verum  ad  crucem  refertur  multo  aptius.  Atque  ita  postulat  loci  circumstantia.