51:109  109  SUR  L'EPITRE  AUX  GALATES.  110  de  ses  lettres  pour  en  estre  paye  a  la  livre  (comme  on  dit),  mais  c'est  a  fin  que  les  Galatiens  cognoissent  qu'il  leur  veut  desployer  son  coeur,  voyant  qu'ils  estoyent  desbauchez  et  mis  en  mauvais  train:  qu'il  ne  veut  pas  qu'ils  perissent  d'autant  que  non  seulement  il  les  a  advertis  en  un  mot:  mais  qu'il  a  conferme  sa  doctrine  a  fin  qu'ils  cognoissent  qu'ils  avoyent  este  seduits  auparavant.  Voila  en  somme  ou  sainct  Paul  a  pretendu.  Or  par  ce  passage  nous  devons  tous  estre  admonnestez,  selon  que  nostre  Seigneur  nous  en  donne  les  moyens  et  les  aides  pour  approcher  de  luy,  de  nous  confermer  tant  plus.  Si  seulement  Dieu  nous  avoit  declare  en  un  mot  sa  volonte,  encores  n'y  auroit-il  nulle  excuse,  si  nous  ne  pouvons  croire  pour  nous  renger  en  telle  obeissance  comme  il  appartient.  Mais  quand  nous  voyons  qu'apres  avoir  donne  sa  Loy,  il  a  adiouste  l'exposition  d'icelle:  et  puis  il  a  envoye  ses  Prophetes,  a  fin  que  la  doctrine  fust  tousiours  rendue  plus  authentique,  et  que  ce  qui  pouvoit  estre  obscur,  fust  esclarci  :  apres  ses  Prophetes  il  a  envoye  son  Fils  unique,  lequel  nous  a  apporte  toute  perfection  de  sagesse:  les  Apostres  ont  suivi  puis  apres:  et  ne  s'est  point  contente  encores  de  cela:  mais  il  a  voulu  que  l'Evangile  se  publiast,  et  que  cela  continue  iusques  en  la  fin  du  monde  et  qu'encores  il  suscite  gens  qui  sont  idoines  pour  nous  instruire  :  quand  donc  nous  voyons  que  Dieu  s'employe  ainsi  pour  nous,  et  qu'il  a  un  tel  soin  de  nostre  salut,  et  que  sans  fin  et  sans  cesse  il  nous  solicite,  ne  faut-il  pas  que  nous  soyons  coulpables  d'autant  plus,  si  nous  sommes  nonchalans,  et  que  tout  cela  ne  nous  serve  de  rien?  Ne  regardons  point  donc  ici  a  sainct  Paul  comme  les  Galatiens  n'ont  pas  deu  regarder  a  luy:  mais  cognoissons  que  Dieu  l'avoit  suscite,  et  qu'il  a  voulu  declarer  combien  nous  luy  sommes  chers,  et  combien  nos  ames  luy  sont  precieuses,  quand  il  a  voulu  que  sa  doctrine  eust  telle  confirmation.  Il  est  vray  qu'il  y  a  ici  cinq  ou  six  fueillets  tant  seulement  en  ceste  epistre:  et  de  prime  face  cela  ne  seroit  pas  estime  trop  grande  lettre:  mais  si  nous  notons  le  contenu  et  la  substance,  il  est  certain  que  nous  y  trouverons  de  quoy  pour  confondre  le  Diable,  et  toutes  les  astuces  qu'il  pourra  amener,  tellement  que  la  verite  de  Dieu  (qui  est  nostre  salut)  sera  victorieuse:  que  quand  nous  n'aurions  que  ceste  epistre,  nous  pourrons  estre  munis  et  armez  pour  batailler  a  l'encontre  de  tous  mensonges,  de  toutes  les  tromperies  et  abus  que  le  diable  nous  pourra  mettre  en  avant  pour  nous  esblouir  les  yeux.  Or  nous  n'avons  pas  seulement  ceste  epistre:  mais  nous  avons  tant  d'autres  tesmoins  de  Dieu,  que  c'est  comme  par  maniere  de  dire  pour  nous  crever  les  yeux,  si  nous  n'y  voulons  regarder.  Et  puis  tant  de  confirmations  pour  nous  aider:  que  si  nous