27:109  109  SUR  LE  DEUTER.  CHAP.  XI.  no  Quand  donc  nous  voyons  cela,  que  nous  apprenions  d'en  faire  nostre  profit.  Voila  quant  a  ce  mot  de  Rassasier.  Mais  notons  que  si  Dieu  ne  nous  rassasie  point,  qu'encores  ne  laisse-il  pas  de  monstrer  sa  liberalite  parmi:  que  iamais  il  n'y  a  eu  une  telle  famine,  que  nostre  Seigneur  n'ait  declaire  qu'il  est  tousiours  pere,  et  plus  que  pere  envers  les  hommes.  Mais  cela  est  mal  cogneu  de  nous.  Et  voila  qui  est  cause  aussi  qu'il  ne  s'eslargit  point  comme  il  seroit  requis:  d'autant  que  nous  avons  une  meschante  entree  en  nous,  il  faut  aussi  que  Dieu  ferme  la  porte  a  sa  benediction,  et  qu'il  nous  laisse  la  vuides  et  affamez.  Voila  pour  le  premier  poinct.  Quand  au  second,  notons  que  si  Dieu  nous  nourrit,  et  substante  en  ce  monde,  voire  iusques  a  nous  rassasier:  qu'il  nous  faut  estre  incitez  de  cognoistre  cependant  par  foy  les  richesses  infinies  qui  nous  sont  reservees  la  haut  au  ciel.  Il  est  dit  au  Pseaume:  Ie  seray  rassasie  de  la  multitude  de  ta  bonte.  Et  en  l'autre  passage,  Seigneur,  quelle  est  la  grande  multitude  de  ta  bonte,  laquelle  tu  as  cachee  a  ceux  qui  t'aiment!  Ii  est  vray  qu'en  ce  monde  Dieu  en  partie  nous  fera  sentir  la  multitude  de  sa  bonte:  mais  si  est-ce  que  iamais  nous  n'en  serons  saoulez  (comme  il  en  est  parle  en  ce  Pseaume  16)  iusques  a  ce  que  nostre  Seigneur  nous  ait  recueillis  a  soy,  et  que  nous  soyons  retirez  de  ce  monde.  Et  ainsi  notons  que  la  perfection  des  biens  qui  nous  sont  promis,  desquels  nous  devons  iouyr,  ne  se  trouve  point  ici  bas,  c'est  assez  que  nous  en  voyons  quelque  partie.  Et  mesmes  encores  que  nostre  Seigneur  s'eslargisse  selon  qu'il  voit  que  nostre  infirmite  en  a  besoin,  que  tousiours  nous  soyons  menez  plus  haut:  c'est  pour  cognoistre  que  quand  Dieu  se  sera  revele  a  nous  face  a  face,  que  nous  serons  conioints  a  luy  de  plus  pres  que  nous  ne  sommes  pas:  brief,  que  nous  serons  recueillis  en  son  royaume  des  cieux,  qu'alors  nous  aurons  de  quoy  estre  rassasiez.  Voila  donc  comme  il  nous  faut  passer  tellement  par  ce  monde,  que  nous  n'y  soyons  point  saoulez  pour  y  prendre  nostre  contentement,  et  repos:  mais  que  nous  soyons  tousiours  attirez  a  ces  biens  spirituels:  et  que  si  nous  languissons  ici  bas,  que  nous  cognoissions  que  par  ce  moyen  Dieu  nous  incite  de  venir  a  luy,  iusques  a  tant  que  nous  y  soyons  unis  parfaictement,  comme  l'union  sera  au  dernier  iour.  LE  QUATRIESME  SERMON  SUR  LE  CHAP.  xi.  V.  16.21.  DU  MERCREDI  25^  DE  SEPTEMBRE  1555o  Quand  Moyse  dit  ici  qu'il  se  faut  donner  garde  de  riestre  point  desbauches:  par  cela  il  monstre