21:109  109  PAR  NICOLAS  COLLADON.  110  annees  avant  sa  mort,  combien  qu'il  y  eust  en  certains  endroits  beaucoup  d'histoires  a  amener,  *)  comme  on  voit  qu'il  Ta  fait,  iamais  n'a  eu  aucun  papier  devant  luy  pour  aide  de  sa  memoire.  Et  ce  n'estoit  pas  qu'il  eust  pris  grand  temps  a  prevoir2)  ses  lecons:  car  aussi  quand  il  l'eust  voulu  faire,  il  n'avoit  pas  le  loisir.  Et  pour  vray,  le  plus  souvent  il  n'avoit  pas  [i  8]  une  bonne  heure  pour  se  preparer  :  mais  il  avoit  un  esprit  si  heureux,  et  estoit  de  si  grand  iugement,  qu'il  concevoit  du  premier  coup  ce  qu'il  lisoit,  et  quant  et  quant  en  iugeoit  fort  bien:  la  memoire  puis  apres  gardoit  le  tout  fidelement.  I'adiousteray  encore  un  autre  tesmoignage  de  sa  memoire,  qui  se  voyoit  tous  les  iours;  c'est  que  si  lors  qu'il  dictoit,  quelqu'un  fust  survenu  pour  parler  a  luy,  ou  demie  heure  ou  une  heure,  le  plus  souvent  il  luy  souvenoit  de  l'endroit  ou  il  estoit  demeure,  et  continuoit  fort  bien  le  propos  sans  regarder  le  precedent,  soit  qu'il  dictast  quelques  lettres  ou  Commentaire  ou  autre  chose.  Quant  a  son  vivre  ordinaire,  chacun  sera  tesmoin  qu'il  a  este  tellement  tempere,  que  d'excez  il  n'y  en  eut  iamais;  de  chichete  aussi  peu,  mais  une  mediocrite  louable.  Vray  est  qu'a  cause  de  son  estomach  il  s'abstenoit  de  certaines  viandes  communes,  et  qu'il  eust  bien  aimees:  mais  c'estoit  sans  faire  du  delicat,  ni  estre  fascheux  en  compagnie.  Une  faute  y  a  eu,  c'est  qu'en  l'abstinence  il  a  eu  trop  peu  d'esgard  a  sa  sante,  se  contentant  par  plusieurs  annees  d'un  seul  repas  pour  le  plus  en  vingt  quatre  heures,  et  iamais  ne  prenant  rien  entre  deux:  tellement  que  tout  ce  que  les  Medecins  lui  ont  peu  persuader  quant  k  ce  poinct,  a  este  que  environ  demi  an  devant  sa  derniere  maladie,  il  prenoit  par  fois  quelque  petit  de  vin,  et  humoit  un  oeuf  environ  le  midi.  Ses  raisons  estoyent  l'imbecillite  de  son  estomach,  et  la  migraine,  a  laquelle  il  disoit  avoir  experimente  ne  pouvoir  remedier  que  par  une  diete  continuelle:  de  sorte  que  quelques  fois  ie  l'ay  veu  faire  entiere  abstinence  iusqu'au  deuxieme  iour.  Estant  de  si  petite  vie  il  dormoit  aussi  fort  peu:  mais  pour  cela  quelque  lassitude  qui  s'en  ensuivist,  il  ne  laissoit  pas  d'estre  tousiours  prest  au  travail  et  a  l'exercice  de  son  office.3)  Car  les  iours  que  ce  n'estoit  pas  a  luy  a  prescher,  estant  au  lict,  il  se  faisoit  apporter  des  les  cinq  ou  six  heures  quelques  livres,  afin  de  composer,  ayant  quelqu'un  qui  escrivoit  sous  luy.  Si  c'estoit  sa  semaine,  il  se  trouvoit  tousiours  prest  a  l'heure  de  monter  en  chaire:  et  apres,  estant  retourne  en  sa  maison,  se  remettoit  dedans  le  lict,  ou  se  couchoit  seulement  dessus  tout  vestu,  et  ayant  quelque  livre  1)  proposer  F.  2)  premediter^i^.  3)  sa  charge  F.