9:108  cuius  desiderio  mire  cruciatur,  extorqueat,  [pag.  143]  Cur  enim  laboro,  ne  homo  indoctus  Europam  conturbet,  quod  periculum  non  nisi  a  sapientibus,  a  literatis,  autoritate  et  eloquentia  praeditis  manare  solet?  Quasi  vero  a  stultis  et  insanis  nihil  noxae  vel  timendum  sit,  vel  cavendum.  Vulgari  proverbio  non  frustra  ferri  dicit,  indoctos  non  suscitare  haereses.  Quid  igitur  Anabaptistae?  quid  Monetarius?  quid  Libertini?  Imo  in  tota  colluvie,  quam  Irenaeus,  Epiphanius  et  Augustinus  referunt,  quanto  plures  crassa  inscitia,  quam  eruditio  pravis  erroribus  implicuit?  Rectius  Augustinus  et  prudentius,  superbiam  omnium  haereseon  esse  matrem,  qua  saepe  videmus  rudissimos  quosque  maxime  turgere.  Quare  ut  ab  hoc  crimine  immunis  sit  Westphalus,  pervicaciam  imprimis  exuat  oportet,  quae  nocentissima  est  pestis.  Postea  deceptor  sum  Westphalo,  quia  mihi  curae  fuisse  professus  eram,  ne  simplices  deciperet:  ac  me  Iudaeis  comparat,  qui  idem  de  Christo  apud  Pilatum  dicebant.  Se  igitur  Christo  similem  ostendat,  si  me  coniicere  vult  in  illam  turbam.  In  Dei  verbo  nihil  esse  imposturae,  non  minus  ex  animo  [pag.  144]  et  sincere  fatemur,  quam  ventose  lingua  Westphalus  praedicat.  Sed  ubi  verbum  illud,  cuius  fiducia  tam  conviciose  me  incessit?  Perinde  enim  ac  si  comicus  esset  nescio  quis  Iupiter  Minervam  in  cerebro  suo  gestans,  suis  omnihus  figmentis  larvam  verbi  Dei  audacter  induit.  Nisi  iam  olim  pseudoprophetis  tritum  fuisset  eo  gloriosius  praetendere  Dei  nomen,  quo  magis  ab  ipso  alieni  erant,  his  terriculamentis  nonnihil  forte  proficeret.  Nunc  quum  omni  testimonio  destitutus  arguat  quasi  ex  probatis,  quotusquisque  futilibus  istis  ineptiis  movebitur?  Verbum  Dei  in  eius  ore  confidenter  resonat,  sed  verbo  tenus:  non  secus  ac  si  Marcion  coeleste  corpus  Christo  affingens  hostes  verbi  clamaret  quicunque  ex  semine  Abrahae  genitum  fuisse  credunt,  quia  scriptum  sit:  Secundus  Adam  e  coelo  coelestis  (1  Cor.  if),  47).  Sed  quum  melioribus  documentis,  quam  a  parte  sua  Westphalus  proferat,  nobis  datum  &it  quum  Dei  verbo  deierimus  reverentiam  testari:  quum  etiam  libri  luculenta  probatione  ostendant  nos  eius  fidos  et  probos  esse  interpretes,  mirus  erit  praestigiator  Westphalus  iste,  si  a  certo  rei  intuitu  lectorum  oculos  ad  inane  spectrum  convertat,  [pag.  145]  Valeat  igitur  intempestiva  ista  garrulitas,  qua  nihil  cum  aliud  venari  apparet,  nisi  ut  imperitos  dementet,  ne  de  re  cognoscant.  Quorsum  enim  attinet  stultitiam  nobis  obiicere  ac  si  Moisi  et  prophetis  non  credamus?  Neque  enim  si  verba  Christi  interpretamur  ut  communis  scripturae  usus  postulat,  ideo  protinus  habendi  sumus  pro  incredulis.  Nisi  enim  nos  sibi  devinctos  teneret  Christi  veritas,  nisi  obstringeret  religio,  cur  in  acie  assidue  staremus?  Scimus  sane  quid  sit  in  oculis  nos-