8:108  nous  en  ietterons  l'un  contre  l'autre,  encores  pourrons-  nous  faire  que  nous  nous  [pag.  38]  garderons  d'estre  attaincts,  que  les  coups  ne  nous  attoucheront  point;  mais  quand  nous  tiendrons  parler  contre  Dieu,  a  qui  est-ce  que  nous  nous  prenons  ?  Et  quand  nous  voudrons  tirer  des  coups  de  hacquebutes,  des  coups  de  dards  et  de  fleches  et  autres  choses  sur  nos  testes,  ne  faut-il  pas  que  le  tout  retombe  sur  nous,  et  que  nous  en  soyons  accablez?  Et  ainsi  donc,  craignons  de  tomber  en  une  telle  confusion,  et  apprenons  seulement  d'adorer  la  maieste  de  Dieu,  que  nous  tenions  pour  resolu  que  tout  ce  qu'il  fait  est  bien  ordonne,  encore  que  nous  ne  voyons  pourquoy.  Et  c'est  ce  que  sainct  Paul  nous  monstre,  qu'il  ne  nous  faut  pas  estre  plus  sages  que  l'Esprit  de  Dieu.  Il  y  en  a  qui  trouvent  estrange  quand  on  ne  leur  donne  point  de  resolution  qui  soit  facile.  Et  ie  voudroyⓒ  qu'on  me  dit  les  choses  plus  clairement,  que  i'aperceusse  pourquoy  telle  chose  se  fait.  Mon  amy,  il  te  faut  aller  cercher  une  autre  escole,  puis  que  tu  es  si  presomptueux,  que  tu  ne  veux  point  donner  gloire  a  Dieu,  sinon  que  tu  voyes  les  [page  39]  enseignes.  Or  va  cercher  une  autre  escole  que  celle  du  sainct  Esprit.  Nous  voyons  comment  sainct  Paul  parle:  O  homme,  qui  es-tu?  Si  quelqu'un  veut  plaider  contre  nous,  de  ce  qui  ne  luy  appartient  pas,  qu'il  s'alle  prendre  a  Dieu.  Car  si  nous  voulons  passer  plus  outre  que  ce  qu'il  nous  a  declare  par  sa  parole,  nous  ne  serons  pas  bons  disciples  en  son  escole.  Sainct  Paul  donc  nous  monstre  comment  il  nous  faut  conduire  en  ce  faict:  quelle  mesure  nous  devons  garder;  c'est  assavoir,  qu'il  faut  que  l'homme  soit  ainsi  tenu  en  bride  courte,  et  que  nous  cognoissions  quelle  est  nostre  condition.  Et  de  faict,  nous  voulons  bien  estre  preferez  aux  bestes  brutes.  Si  un  asne  ou  un  chien  parloit,  et  qu'il  vinst  a  dire:  Pourquoy  est-ce  que  ie  ne  suis  pas  homme?  il  n'y  auroit  celuy  de  nous  qui  ne  respondist:  Et  puis  qu'il  a  pleu  a  Dieu  de  te  faire  une  beste,  ne  te  dois-tu  pas  contenter  de  cela?  Et  qui  sommes  nous  en  comparaison  de  Dieu?  Il  est  certain  que  nous  luy  sommes  autant  inferieurs  que  sont  les  bestes  brutes  a  nous.  Et  pourquoy  [page  40]  donc  n'aura-il  autant  d'autorite  par  dessus  nous,  comme  nous  en  voulons  avoir  par  dessus  les  creatures?  Que  reste-il  donc?  Ceux  qui  veulent  ainsi  blasphemer,  qu'ils  regardent  cest  exemple  qu'amene  sainct  Augustin,  au  second  passage,  c'est  assavoir  de  nostre  Seigneur  Iesus  Christ.  Car  de  faict,  Iesus  Christ  est  le  miroir  et  le  patron  ou  Dieu  a  declare  les  thresors  infinis  de  sa  bonte:  car  il  est  le  chef  de  l'Eglise.  Aussi  nous  faudra  il  commencer  par  luy,  quand  nous  voudrons  cognoistre  comment  Dieu  besongne  en  ses  membres  inferieurs.  Voila  Iesus  Christ,  vray  Dieu  et  vray  homme.