7:108  que  la  maieste  de  Dieu  descendit  iusques  a  nous,  se  conioignant  avec  l'infirmite  de  nostre  nature.  Pareillement  l'office  du  mediateur  estoit,  de  nous  faire  enfans  de  Dieu  et  heritiers  de  son  Royaume,  aulieu  que  nous  estions  heritiers  de  mort  et  damnation.  Voila  donc  l'arre  pour  confermer  nostre  fiance,  que  nous  sommes  enfans  de  Dieu:  d'autant  que  le  [page  121]  filz  naturel  de  Dieu  a  prins  corps  de  nostre  corps  et  chair  de  nostre  chair,  pour  estre  faict  un  avec  nous.  1)  D'avantage,  c'estoit  un  poinct  necessaire  a  nostre  redemption  :  que  la  desobeissance  qui  avoit  este  commise  en  nostre  nature  fust  aussi  reparee  en  icelle.  Par  quoy  nostre  Seigneur  Iesus  est  venu  vray  homme,  se  presentant  comme  en  la  personne  d'Adam,  duquel  aussi  il  a  prins  le  nom  (Rom.  5,  14;  1  Cor.  15,  47):  afin  de  payer  la  peine  du  peche  en  la  chair  en  laquelle  il  avoit  este  commis.  Ceux  donc  qui  despouillent  Iesus  Christ  de  sa  nature  humaine,  obscurcissent  bien  sa  bonte:  mais  ilz  nous  font  aussi  un  grand  tort,  en  destruisant  le  vray  obiect  que  nous  avons,  pour  avoir  droite  et  pleine  fiance  en  luy.  Mais  afin  qu'il  ne  semble  advis  que  ie  dissimule  rien,  de  ce  qui  leur  pourroit  servir,  ie  produiray  tout  ce  qu'ilz  pourroyent  amener  pour  donner  couleur  a  leur  phantasie.  S.  Paul  dict  quelque  part  (Phil.  2,  7),  que  Iesus  Christ  s'est  aneanty  soymesme,  prenant  forme  de  serf,  estant  faict  semblable  aux  hommes,  et  en  apparence  se  monstrant  homme.  De  la  Marcion  a  conclud,  que  son  corps  estoit  un  phantosme.  Les  Anabaptistes  s'en  aydent  auiourdhuy,  pour  monstrer  qu'il  n'estoit  pas  tel  que  le  nostre.  La  responce  est  bien  facile.  Car  sainct  Paul  ne  traitte  pas  la  [page  122]  de  la  substance  du  corps  de  Iesus  Christ:  mais  seulement  remonstre,  que  comme  ainsi  soit  qu'il  se  peut  monstrer  en  sa  maieste  glorieuse  comme  Dieu:  qu'il  s'est  porte  comme  simple  homme  en  toute  petitesse.  Il  exhorte  la  les  Philippiens  a  humilite.  Pour  ce  faire  il  leur  amene  Christ  pour  exemple:  disant,  qu'il  estoit  en  la  forme,  c'est  a  dire,  en  la  gloire  de  Dieu:  et  toutesfoys  qu'il  s'est  aneanty.  Il  adiouste  puis  apres  comment  c'est  qu'il  s'est  monstre  en  forme  d'homme,  et  qu'il  s'est  porte  comme  homme.  Que  signifient  ces  motz  autre  chose,  sinon  que  soubz  le  voile  de  sa  chair  en  laquelle  il  apparoissoit  petit  et  contemptible,  il  a  cache  la  gloire  de  sa  divinite,  en  sorte  qu'on  ne  congnoissoit  en  luy  que  la  condition  fragile,  qu'il  monstroit  par  dehors.  Ainsi  quant  a  la  solution  de  ce  passage,  il  n'y  a  nulle  difficulte.  Mais  il  y  en  a  un  autre  lequel  semble  avoir  un  peu  plus  d'apparence.  C'est  au  15.  cha-  1)  pour  estre  faict  un  avec  nous,  manque  dans  Ja  traduction.