58:108  reste,  quand  nous  serons  tant  timides,  et  si  affoiblis,  qu'a  grand  peine  pourrons-nous  porter  une  chiquenaude,  comme  on  dit,  esperons  que  Dieu  nous  donnera  vertu  quand  il  nous  amenera  a  un  examen  plus  rude:  mais  toutefois  cela  ne  nous  doit  point  rendre  nonchalans.  Si  ie  me  sens  foible,  et  que  ie  dise,  O,  Dieu  m'espargnera,  car  il  sait  que  ie  ne  puis  rien  porter  :  il  est  certain  que  ie  seray  puni  de  mon  ingratidute.  Et  pourquoy?  Selon  que  nous  sommes  debiles,  il  faut  recourir  a  celui  qui  a  toute  vertu  pour  suppleer  a  nos  defaus.  Et  pourtant  apprenons,  quand  il  est  dit  que  Dieu  nous  subviendra  et  qu'il  nous  donnera  force  pour  soustenir  tous  les  combats  qui  nous  seront  dressez:  c'est  afin  que  nous  apprenions  de  nous  exercer  en  prieres  de  iour  en  iour.  Et  pourtant,  que  nous  ne  soions  pas  endormis,  quand  il  est  dit  que  Dieu  fortifie  les  siens,  selon  qu'il  lui  plaist  de  les  attirer  au  combat:  mais  que  ce  soit  pour  tousiours  nous  bien  regarder  de  pres:  et  apres  avoir  cogneu  nos  povretez,  de  cercher  le  remede,  et  le  prier  qu'il  ne  permette  point  que  iamais  nous  defaillions  en  quelque  sorte  que  ce  soit,  ou  qu'il  nous  supporte:  ou  bien,  quand  il  voudra  que  nous  bataillons  plus  vertueusement  qu'il  nous  donne  dequoy,  que  nous  soions  armez  d'enhaut,  comme  il  sait  tousiours  donner  la  victoire  a  ceux  qui  se  fient  en  lui,  et  qui  ne  combattent  sinon  sous  son  enseigne.  Voila  donc  quant  a  ceste  diversite,  que  nous  lisons  entre  Abraham  et  Isaac.  Or  il  est  dit,  Que  le  Uoy  a  veu  Isaac  se  iouer  avec  sa  femme  Eebecca:  et  que  la  dessus  U  Va  appele,  et  qu'il  luy  a  dit,  Pour  vray  c'est  ta  femme.  En  ceci  nous  pouvons  voir  qu'il  y  avoit  plus  d'integrite  beaucoup  de  ce  temps-la,  qu'il  n'y  a  pas  auiourd'hui:  et  que  les  paillardises  et  dissolutions  n'estoient  pas  si  communes.  Car  on  eust  du  premier  coup  assis  un  iugement  sinistre  sur  Isaac.  Il  faloit  donc  que  les  hommes  eussent  plus  d'honnestete  qu'on  ne  void  de  nostre  temps.  Et  puis  il  n'y  a  doute  qu'Isaac  n'eust  acquis  ceste  reputation  entre  tous,  qu'il  n'estoit  pas  un  vilain  et  un  paillard,  qui  trainast  une  putain,  sous  ombre  de  dire  que  ce  fust  sa  soeur.  Il  n'y  a  doute  di-ie,  que  quand  on  l'eut  cogneu  et  sa  facon  de  vivre,  qu'on  ne  fust  persuade  qu'il  estoit  un  homme  saint  et  un  homme  craignant  Dieu,  et  qu'il  n'estoit  point  adonne  a  tels  vices  et  enormitez.  Et  c'est  un  article  <^ue  nous  devons  bien  noter:  car  il  n'y  a  celui  qui  ne  veuille  estre  tenu  pour  homme  de  bien:  et  si  tost  qu'on  concoit  quelque  mal  de  nous,  il  semble  qu'on  nous  fait  grand  tort:  mais  cependant  nous  ne  regardons  pas  le  moien  de  faire  qu'on  n'en  iuge  point  mal,  et  qu'on  ne  nous