50:108  videtur  imminutio  eius  esse  quod  habes:  sed  veniet  tempus  messis,  quo  fructus  colligetur.  Dominus  enim,  ut  sibi  fert  impensum  quidquid  pauperibus  erogatur,  ita  rependit  postea  cum  largo  foenore.  Nunc  ad  Pauli  similitudinem.  Qui  parcus  est  serendo,  is  messem  habebit  tenuem  et  similem  sationi:  qui  benigne  serit  et  larga  manu,  similiter  copiosam  messem  colliget.  Penitus  infixa  sit  animis  nostris  haec  doctrina,  ut  quoties  metu  perdendi  a  benefaciendo  nos  revocat  sensus  carnis,  mox  opponamus  hunc  clypeum:  Atqui  Dominus  pronuntiat  nos  sementem  facere.  Caeterum  messis  tam  de  spirituali  mercede  vitae  aeternae,  quam  terrenis  benedictionibus,  quibus  Deus  prosequitur  homines  beneficos,  exponi  debet.  Neque  enim  tantum  in  coelo  remuneratur  Deus  fidelium  beneficentiam,  sed  etiam  in  hoc  mundo.  Ergo  perinde  hoc  valet  ac  si  diceret:  Quo  magis  in  proximos  eritis  benefici,  eo  sentietis  Dei  benedictionem  in  vos  magis  effusam.  Benedictionem  iterum  hic  parcitati  facit  contrariam:  sicuti  prius  tenacitati.  Unde  apparet  accipi  pro  larga  et  benigna  munificentia.  7.  Unusquisque  secundum  propositum  cordis.  Quia  largiter  dandum  esse  praeceperat,  hoc  quoque  addendum  fuit,  munificentiam  non  tam  aestimari  a  Deo  ex  summa  quam  ex  animo.  Optabat  quidem  multum  exorare,  quo  prolixius  iuvarentur  iratres:  sed  nihil  extorquere  volebat  ab  invitis.  Dare  ergo  libenter  iubet  quidquid  daturi  erant.  Opponit  propositum  cordis  t  r  i  s  t  i  t  i  a  e  et  necessitati.  Nam  quod  facimus  coacti  necessitate,  minime  facimus  ex  cordis  proposito,  sed  cum  moerore.  Porro  necessitatem  intellige  quam  vocant  extrinsecam:  hoc  est,  quae  aliunde  est.  Deo  enim  obedimus,  quia  necesse  est:  idque  tamen  ex  animo.  Itaque  ipsi  tunc  nobis  necessitatem  sponte  imponimus.  Et  quia  reluctatur  caro,  vim  etiam  saepe  facimus  nobis,  ut  praestemus  necessarium  officium.  Verum  ubi  aliunde  cogimur,  habentes  interea  in  votis  effugere,  si  qua  liceret:  nihil  facimus  alacriter,  nihil  hilariter,  sed  omnia  cum  moerore  vel  angustia  animi.  Nam  hilarem  datorem,  ete.  Revocat  nos  ad  Deum,  sicut  initio  dixi.  Nam  eleemosyna  sacrificium  est.  Atqui  nullum  Deo  sacrificium  placet,  nisi  voluntarium.  Nam  quum  docet,  hilarem  datorem  a  Deo  diligi:  ex  adverso  malignos  et  coactos  respui  significat.  Neque  enim  instar  tyranni  vult  nobis  imperare,  sed  sicuti  patrem  nobis  se  exhibet,  ita  liberalem  filiorum  obedientiam  a  nobis  requirit.  8.  Potens  est  autem  Deus.  Iterum  pravae  cogitationi  occurrit,  quam  nobis  perpetuo  suggerit  nostra  infidelitas.  Quid?  annon  tibi  consules  potius?  non  cogitas,  hoc  dempto,  minus  tibi  reliquum  fore?  Ad  eam  repellendam  nos  armat  Paulus  eximia  pro*  missione:  quod  in  bonum  nostrum  redundet  quidquid  largimur.  Dixi  iam  nos  plus  aequo  tenaces