44:108  turam:  quemadmodum  quum  prius  vidimus,  Offerent  mihi  ab  ortu  solis  usque  ad  occasum  pura  sacrificia,  inquit  Dominus:  quaenam  illa  sacrificia  sunt?  An  vituli  adhuc  sunt  mactandi,  vel  agni,  vel  alia  animalia?  minime:  sed  spectanda  est  natura  sacerdotii  spiritualis:  sicuti  etiam  aurum  de  quo  nunc  loquitur  propheta  et  argentum,  debet  accipi  spiritualiter,  quia  ex  quo  apparuit  mundo  Christus,  iam  Deus  non  vult  coli  in  vasis  aureis  vel  argenteis,  sicuti  etiam  nullum  est  altare,  in  quo  victimae  immolentur:  nullum  etiam  candelabrum:  denique  cessarunt  omnes  illae  figurae  legales.  Sequitur  ergo  hic  prophetam  agere  de  spirituali  templi  ornatu.  Atque  ita  nunc  tenemus  quomodo  gloria  secundi  templi  maior  futura  fuerit  quam  prioris.  Iam  sequitur,  Deum  daturum  pacem  huic  loco:  quasi  diceret  prospere  cessurum  Iudaeis,  si  modo  patienter  exspectent  plenum  redemptionis  effectum.  Sed  notandum  est,  pacem  hanc  non  fuisse  illis  ita  conspicuam,  ut  pro  sensu  carnis  ea  fruerentur:  sed  fuit  haec  species  pacis  de  qua  loquitur  Paulus  (Philip.  4,  7),  quam  dicit  superare  omnem  sensum.  Denique  non  potuit  populus  amplecti  quod  hic  docet  propheta  de  futuro  templi  splendore,  nisi  transsiliret  supra  omnia  obstacula,  quae  tunc  videbantur  abrumpere  plenum  cursum  redemptionis:  et  ideo  semper  redire  oportet  ad  principium  iliud,  Adhuc  modicum  hoc,  quasi  diceret  ferendum  patienter  esse,  dum  exercet  Deus  suorum  fidem,  sed  iatn  adfore  tempus  et  quidem  brevi,  quo  Dominus  implebit  domum  illam  gloria,  ubi  scilicet  Christus  afferet  secum  plenitudinem  gloriae:  quia  etiamsi  mille  mundi  in  unum  coacerventur  cum  suis  thesauris,  erit  tamen  corruptibilis  haec  gloria:  sed  quum  Deus  pater  in  persona  filii  sui  apparuit,  iam  tunc  vere  glorificavit  templum  suum,  et  ita  etiam  refulsit  eius  maiestas,  ut  nihil  ad  solidam  perfectionem  tunc  defuerit.  l  l  .  Vicesimo  quarto  noni  (mensis  subaudiendum)  anno  secundo  Darii,  fuit  sermo  Iehovae  ad  Chaggai  prophetam,  dicendo:  12.  Sic  dicit  Iehova  exercituum,  Interroga  sacerdotes  de  lege,  dicendo:  13.  Si  sustulerit  vir  (quispiam)  carnem  sanctam  in  ala  vestis  suae,  et  tetigerit  ala  sua  panem,  et  coctionem,  et  vinum,  et  oleum,  et  quodvis  edulium,  an  sanctificabitur?  Et  responderunt  sacerdotes,  et  dixerunt,  Non.  14.  Et  dixit  Chaggai,  si  tetigerit  pollutus  in  anima  omne  hoc,  an  polluetur?  Eesponderunt  sacerdotes  et  dixerunt,  Polluetur.  15.  Et  respondit  Chaggai,  et  dixit,  Sic  populus  iste,  et  sic  gens  ista  in  conspectu  meo  dicit  Iehova:  et  sic  omne  opus  manuum  ipsorum,  et  quod  obtulerint  illi  pollutum  erit.  Quanquam  interpretes  ad  prophetae  sensum  accedunt,  nemo  tamen  vere  et  liquide  exprimit  quid  intelligat,  et  docere  etiam  velit:  imo  nihil  afferunt,