21:108  cultez  et  perils  ou  s'est  trouvee  ceste  povre  Cite,  assaillie  par  dedans  par  plusieurs  mutins  et  desesperez  citoyens,  tormentee  par  dehors  en  cent  mille  sortes,  menacee  des  plus  grands  Rois  et  Princes  de  la  Chrestiente,  d'autant  qu'elle  a  tousiours  este  le  refuge  et  la  defense  de  tous  les  povres  enfans  de  Dieux  affligez  en  France,  Italie,  Espagne,  Angleterre,  ou  ailleurs:  il  a  fallu  que  Calvin  ait  soustenu  le  plus  pesant  fardeau.  Brief,  il  pouvoit  bien  dire  avec  sainct  Paul:  Qui  est  celuy  qui  est  trouble  que  ie  n'en  brusle?  Et  n'estoit  point  sans  cause  que  chacun  avoit  son  refuge  a  luy:  car  Dieu  lui  avoit  tant  departi  de  prudence  et  bon  conseil,  que  iamais  homme  ne  se  trouva  mal  de  l'avoir  suivi,  mais  bien  en  ay-ie  trop  veu  qui  sont  [i  7]  tombez  en  extremes  inconveniens  pour  ne  l'avoir  voulu  croire.  Or  ie  laisse  a  parler  de  la  grandeur  de  son  scavoir,  du  merveilleux  iugement  qui  estoit  en  luy,  de  la  singuliere  debonnairete  qu'il  avoit  pour  s'accommoder  iusques  aux  plus  petits  entant  qu'il  estoit  besoin,  de  la  douceur  a  supporter  les  infirmitez  et  imperfections  des  autres:  car  ce  seroit  un  propos  quasi  sans  fin.  Ie  toucheray  seulement  de  sa  memoire  qui  estoit  excellente  a  merveilles,  non  pas  qu'il  en  fist  bravade,  *)  comme  il  s'est  trouve  des  fols  de  ce  temps  ici,  qui  se  sont  tant  estudiez  a  avoir  bonne  memoire,  qu'ils  ne  se  sont  point  souciez  de  former  leur  iugement.  Mais  Calvin  avoit  l'un  et  l'autre  bien  compassez,  et  le  tout  accompagne  d'une  simplicite  fort  honneste.  S'il  estoit  donc  question  des  choses  qu'il  avoit  veues  autresfois  tant  en  France  qu'en  Italie  et  Allemagne,  quand  cela  venoit  a  propos  il  en  savoit  parler,  nommant  les  lieux  et  les  personnes,  et  en  faire  son  profit.  Quant  aux  affaires  de  ceste  Eglise,  et  mesme  de  la  Republique,  entant  que  sa  vocation  le  pouvoit  porter,  il  savoit  cela  sur  le  doigt,  iusques  a  des  particularitez  bien  petites.  En  Consistoire  mesmes,  il  s'est  trouve  des  personnes  qu'on  y  a  fait  venir  pour  quelque  nouvelle  faute,  lesquelles  il  conveinquoit  d'y  avoir  este  appellees  autre-fois,  leur  baillant  les  enseignes  etrememorant  les  causes  :  et  combien  que  ce  fussent  choses  passees,  il  y  avoit  sept,  et  dix,  et  douze  ans,  neantmoins  en  regardant  les  registres  du  Consistoire,  on  trouvoit  qu'il  estoit  ainsi  comme  il  le  recitoit  En  matiere  de  doctrine  ou  d'histoire,  en  somme  de  ce  qu'il  avoit  leu  autre-fois,  c'estoit  le  pareil:2)  comme  savent  bien  ceux  qui  l'ont  ouy  attentivement,  et  mesmes  cognu  familierement.  En  faisant  ses  lecons  iamais  n'avoit  que  le  simple  texte  de  l'Escriture,  et  toutesfois  on  voit  comment  ce  sont  choses  couchees  par  bon  ordre.  Mesmes  quand  il  leut  Daniel,  quelques  1)  parade  F,  2)  mesme  F.