19:108  S��  Ad  amicos  nihil  unquam,  doctissimo  atque  observandissime  Beza,  scribere  amici  hominis  non  est.  Yiris  etiam  vehementer  occupatis  prolixas  legere  literas  scio  quam  sit  molestum.  Ergo  neque  nihil  neque  multum  ad  te  scribo.  Non  nihil,  quia  amicitia  nostra  non  sert.  Non  multum,  quia  tuae  gravissimae  occupationes  non  patiuntur.  Quae  vero  scribo  haec  sunt:  gavisos  quidem  suisse  nos,  idque  non  mediocriter,  quum  principio  audivimus  institutum  fuisse  colloquium,  et  ad  hoc  Martyrem  et  te,  ut  de  reliquis  taceam,  delectos  fuisse,  sed  nunc  incredibili  plene  *)  laetitia  esse  affectos,  posteaquam  confessionem  de  re  sacramentaria  legimus  atque  in  eam  utramque  partem  consensisse  accepimus:  tristatos  vero  non  parum  fuisse  ubi  sanctum  illud  vestrum  colloquium  invidia  diaboli  impeditum  atque  dissipatum  fuisse  cognovimus:  gratulari  igitur  nos  quum  toti  regno  tum  inprimis  christianissimis  regibus  atque  illustrissimis  principibus  et  vobis  doctissimis  viris  istud  felicissimam  colloquii  vestri  principium:  deinde  Deum,  ut  quae  ipse  feliciter  incepit  felicissime  etiam  continuet  atque  perficiat,  perpetuo  tam  privatim  quam  publice,  praemisso  etiam  publico  totius  ecclesiae  ieiunio,  precari:  cupere  etiam  ut  vicissim  vos  tam  nos  quam  ecclesias  nostras  Deo  patri  per  Christum  precibus  vestris  commendetis.  Dum  enim  istic  Christus  suam  quotidie  propagat  doctrinam,  hic  Satan  non  cessat  viribus  suis  omnibus  illam  penitus  exstinguere.  Non  deesse  quidem  bonos  viros  qui  propugnent,  inter  quos  vexillum  fert  noster  Sturmius:  interim  tamen  oppugnantium  vires  et  multas  et  non  contemnendas  esse.  Quum  igitur  omnes  simus  unum  corpus,  et  non  minus  nos  quam  vos  gratia  et  protectione  Dei  opus  habeamus,  rogare  vos  ut  et  in  suscepta  contra  Satanae  regnum  expeditione  constanter  perseveretis,  et  pro  nostrarum  ecclesiarum  adversus  eundem  Satanam  protectione  ac  conservatione  indesinenter  oretis.  Servet  vos  Dominus  Iesus  fortes  animo  et  incolumes  corpore  ad  sui  regni  propagationem  et  conservationem.  Vale  tu  cum  omnibus  tuis  commilitonibus,  vir  Dei,  et  si  istic  sunt  D.  Dillerus,  principis  Palatini  concionator,  et  D.  Boquinus,  iubeo  illos  speciatim  salvere.  Argent.  8.  Novemb.  1561.  Tui  amantissimus  H.  Zanchius.  3607.1)  plane?