10.1:108  au  premier  iour,  et  l'admoneste  d'y  faire  citer  sa  partie.  Toutesfois  quo  nul  ne  soit  receu  a  opposition,  sinon  estant  de  la  ville,  ou  autrement  cognu,  ou  ayant  quelcun  le  cognoissant  avec  soy:  et  ce  pour  eviter  que  quelqu'autre  ne  face  vitupere  ou  dommage  a  quelque  fille  honneste,  ou  le  contraire.  Que  si  l'opposant  ne  se  trouvoit  au  iour  qu'il  auroit  este  remis,  qu'on  procede  aux  annonces  et  au  mariage,  comme  s'il  n'y  estoit  intervenu  nul  empeschement.  Pour  eviter  toutes  fraudes  qui  se  commettent  en  cest  endroit,  que  nul  estranger  venant  de  pays  lointain  ne  soit  admis  au  mariage,  sinon  qu'il  ait  bon  et  certain  tesmoignage,  ou  de  lettres,  ou  par  gens  de  bien  et  dignes  de  foy,  qu'il  n'est  point  marie  ailleurs,  et  mesme  de  sa  bonne  et  honneste  conversation.  [page  30]  Que  le  semblable  soit  faict  envers  les  filles,  ou  les  femmes.  DES  ANNONCES  ET  DEPENDANCES.  Que  les  annonces  soyent  publices  par  trois  dimanches  en  l'Eglise,  devant  que  faire  le  mariage,  ayant  premierement  la  signature  du  premier  Syndique,  pour  attestation  de  cognoissance  des  parties,  tellement  neantmoins,  que  le  mariage  puisse  estre  faict  a  la  troisieme  publication.  Et  s'il  y  a  l'une  des  parties  qui  soit  d'autre  paroisse,  qu'on  ait  aussi  bien  attestation  du  dict  lieu.  Que  durant  les  fiancailles  les  parties  n'habitent  point  ensemble,  comme  mari  et  femme,  iusques  a  ce  que  le  mariage  ait  este  benit  en  l'Eglise,  a.  la  facon  des  Chrestiens.  S'il  s'en  trouve  aucuns  qui  ayent  fait  du  contraire,  qu'ils  soyent  punis  par  prison  de  trois  iours  au  pain  et  a  l'eau,  et  appelez  au  Consistoire  pour  leur  remonstrer  leur  faute.  DE  LA  CELEBRATION  DU  MARIAGE.  Que  les  parties  au  temps  qu'elles  doivent  estre  espousees  viennent  modestement  a,  l'Eglise,  sans  tabourins  ne  menestriers,  tenant  ordre  et  gravite  convenable  a  Chrestiens:  et  ce  devant  la  fin  du  son  do  la  cloche,  afin  que  la  benediction  du  mariage  se  face  devant  le  sermon.  S'ils  sont  negligens,  et  qu'ils  viennent  trop  tard,  qu'on  les  renvoye.  [page  31]  Qu'il  soit  loisible  de  celebrer  tous  les  iours  les  mariages:  assavoir,  les  iours  ouvriers,  au  sermon  qu'il  semblera  bon  aux  parties:  lo  dimanche,  au  sermon  de  l'aube  du  iour  et  de  trois  heures  apres  midi:  excepte  les  iours  qu'on  celebrera  la