9:107  107  SECUNDA  DEFENSIO  108  nem  eius  propius  attendet,  me  tacente,  vivam  pseudoapostolorum  imaginem  clare  intuebitur,  qualem  Paulus  in  utraque  ad  Corinthios  epistola  depingit.  Quanquam  autem  subinisse  praefatus  fuerat  se  propriae  imbecillitatis  sibi  conscium,  ingenii  et  doctrinae  laudem  aliis  relinquere,  paulo  post  huius  fictae  modestiae  oblitus,  quam  acido  fermento  stomachum  plenum  habeat,  prodere  cogitur.  Indoctus,  inquit,  scire  cupio,  quam  iste  ideam  docti  hominis  fingat.  Quasi  vero  ad  ideas  platonicas  confugere  oporteat,  si  quis  in  mundo  praeter  Westphalum  [pag.  141J  homo  doctus  quaeritur.  Ego  vero  ne  frustra  longis  speculationibus  te  fatiges,  multos  qui  meo  iudicio  in  catalogum  doctorum  referri  iure  possint,  Lipsiae  et  Witebergae  vicinisque  locis  e^se  denuncio.  Nullo  enim  colore  criminaris  nullos  mihi  esse  doctos,  nisi  qui  in  Zvinglii  schola  instituti  fuerint.  Quanquam  enim  a  nobis  dissensit  Lutherus,  an  unquam  a  nobis  contempta  fuit  eius  eruditio?  Imo  quorsum  totus  ille  meus  sermo  attinet,  quem  nunc  Westphalus  exagitat,  nisi  ipsum  temere  in  medium  prorumpere,  doctis  et  gravibus  viris  se  continentibus?  Quum  suae  partis  hominibus  doctrinae  et  prudentiae  elogium  a  me  tribui  videat,  quam  turpiter  secum  ipse  dissidet?  Sed  hoc  est  scilicet,  nullos  patitur  nominari  doctos,  nisi  unus  sit  ipse  ex  numero.  Itaque  nullum  inscitiae  naevum  in  se  posse  notari  existimat,  nisi  quia  corpus  Christi  geometrica  ratione  non  metitur.  Et  forte  ita  de  se  magnifice  sentit,  ut  nihil  in  se  contemptu  dignum  agnoscat.  Sed  si  putat  uno  verbulo  doctos  omnes  lacessitum  iri,  ut  mihi  bellum  denuncient,  longe  fallitur.  Quanquam  quod  de  geometrica  dimensione  nugatur,  iam  prius  calumniosum  esse  ostendi,  [pag.  142]  Neque  enim  corpus  Christi,  quod  in  coelos  receptum  est,  a  terris  abesse  in  Archimedis  schola  didicimus  :  sed  ut  claris  scripturae  oraculis  proditum  est  credimus.  Ex  qua  autem  philosophia  hauserit,  Christo  in  primae  coenae  actione  duplex  fuisse  corpus  alterum  mortale,  visibile,  et  loco  suo  positum:  alterum  vero  immortale,  invisibile,  et  immensum:  ego  pro  mea  ruditate  divinare  nequeo.  Nam  quod  praeclaris  insignibus  vestitus  locum  se  in  albo  doctorum  promereri  contendit,  quia  ex  scripturis  nova  et  vetera  depromat,  principalem  teneat  scripturae  scopum,  simplici  fide  assentiatur  verbo  Dei:  nihil  certe  adducit,  quod  non  sit  nobis  commune.  Utinam  re  ipsa  peritiam  hanc  ac  dexteritatem  in  se  monstraret.  Hoc  etiam  ridicule,  quamvis  ex  more  suo,  quod  postremo  loco  contentus  statim  se  in  summum  culmen  effert,  dictum  illud  usurpans:  Super  omnes  docentes  me  intellexi  (Psal.  119,  99).  Quo  enim  relegabitur  Lutherus,  si  eo  superior  est,  qui  in  gradu  infimo  subsidit?  Tandem  ut  possessionem  tituli  doctrinae  retineat,  nisi  doctus  esset,  se  non  fuisse  metuendum  dicit.  Parum  abest,  quin  confessionem,