7:107  107  BRIEVE  INSTRUCTION  108  et  privent  ceux  qui  luy  attribuent  ie  ne  say  quel  corps  celeste,  qui  n'ait  rien  de  commun  avec  le  nostre.  Semblablement  toute  la  dispute  que  mene  sainct  Paul  aux  Corinthiens,  pour  fonder  nostre  resurrection  universelle  en  celle  de  Christ,  ne  consisteroit  non  plus,  s'il  n'avoit  une  nature  commune  avec  nous  (1  Cor.  15,  12  suiv.).  Puis  que  Christ  est  ressuscite,  dit-il,  nous  ressusciterons.  Et  s'il  n'y  avoit  de  resurrection  pour  nous:  Christ  ne  seroit  [page  119]  point  ressuscite.  Il  y  auroit  replique  bien  prompte  pour  contredire  a  cela,  si  on  pouvoit  alleguer  que  Iesus  Christ  eust  apporte  un  corps  celeste  avec  soy  au  ventre  de  sa  mere.  Car  ce  ne  seroit  pas  de  merveille  qu'une  substance  venue  du  ciel  fast  exempte  de  corruption.  Et  ne  s'ensuyvroit  pas  pourtant  que  noz  corps  qui  sont  terrestres,  et  n'ont  en  eux  que  matiere  de  pourriture  deussent  ressusciter.  Pour  avoir  donc  bon  fondement  en  toute  ceste  deduction,  il  est  requis  que  nostre  Seigneur  Iesus  participe  en  une  mesme  nature  avec  nous.  Car  voila  toute  l'esperance  de  resurrection  que  nous  pouvons  avoir,  que  ceste  chair  que  nous  portons  maintenant  corruptible,  est  desia  ressuscitee  en  Iesus  Christ,  a  pris  possession  du  ciel,  et  est  la  immortelle.  Par  ce  moyen,  dy-ie,  nous  avons  une  bonne  arre  et  seure  pour  nous  certifier.  Autrement  non.  1)  Et  en  un  autre  passage,  le  mesme  Apostre  voulant  monstrer,  comme  le  Seigneur  Iesus  est  nostre  mediateur,  notamment  dict,  qu'il  est  homme  (1  Tim.  2,  5).  D'autant  qu'il  savoit  bien  que  iamais  nous  ne  pourrions  estre  induis  a  nous  retirer  vers  luy,  si  nous  n'avions  premierement  ceste  persuasion,  qu'il  fust  prochain  de  nous,  et  qu'il  nous  attouchast.  Voila  donc  ou  gist  et  se  [page  120]  repose  nostre  confiance,  pour  nous  faire  tenir  a  Iesus  Christ,  et  le  chercher  pour  mediateur  :  assavoir,  entant  qu'il  nous  est  conioinct,  et  participe  en  une  mesme  nature  avec  nous.  Et  c'est  ce  qu'entend  le  Prophete  Esaie,  en  disant  qu'il  a  este  faict  Immanuel  (Ies.  7,  14):  c'est  a  dire,  Dieu  avec  nous.  Car  cela  ne  peut  estre  sans  vraye  similitude  et  union  de  nature.  Il  y  a  encor  d'autres  raisons  peremptoires  a  ce  propos,  lesquelles,  combien  qu'elles  ne  soyent  exprimees  en  l'escriture,  toutesfoys  elles  ne  laissent  pas  d'estre  certaines,  d'autant  qu'elles  sont  fondees  en  icelle.  Car  qu'il  fust  necessaire  que  celuy  qui  devoit  estre  nostre  mediateur,  fust  vray  Dieu  et  vray  homme,  il  appert  par  l'office  du  mediateur,  qui  est  de  reconcilier  les  hommes  avec  Dieu  et  abolir  l'inimitie  mortelle,  qui  y  estoit  au  paravant.  Or  il  n'y  avoit  nulle  esperance  que  cela  se  fist,  sinon  1)  Alioqui  omni  spe  destituti  sumus.