6:107  LE  CATECHISME  DE  GENEVE.  LE  MINISTRE.  Il  est  temps  de  venir  au  quatriesme  membre  de  l'honneur  que  nous  devons  rendre  a  Dieu.  L'ENFANT.  Nous  avons  dict,  que  c'est  de  le  reconnoistre  de  cueur,  et  confesser  de  bouche,  autheur  de  tous  biens,  pour  le  glorifier.  LE  MINISTRE.  Ne  nous  a-il  pas  baille  quelque  reigle  pour  ce  faire?  j  L'ENFANT.  Toutes  les  louenges  et  actions  de  graces  contenues  en  l'Escriture,  nous  doyvent  estre  pour  reigle  et  enseignement.  LE  MINISTRE.  N'en  a-il  rien  este  touche  en  l'Oraison?  L'ENFANT.  Si  a  bien.  Car  en  desirant  que  son  nom  soit  sanctifie,  nous  desirons  que  toutes  ses  oeuvres  apparoissent  glorieuses,  comme  elles  le  sont.  Tellement,  que  soit  qu'il  punisse,  il  soit  tenu  pour  iuste:  soit  qu'il  pardonne,  pour  misericordieux:  soit  qu'il  accomplisse  ses  promesses,  pour  veritable.  En  somme,  qu'il  n'y  ait  du  tout  rien  enquoy  sa  gloire  ne  reluise.  Cela  est  luy  attribuer  la  louenge  de  tous  biens.  LE  MINISTRE.  Que  conclurrons-nous  de  tout  ce  qu'avons  dict?  L'ENFANT.  Ce  que  tesmoigne  la  verite,  et  qui  a  este  touche  au  commencement:  assavoir,  que  ceste  est  la  vie  eternelle,  de  congnoistre  le  vray  Dieu,  et  celuy  qu'il  a  envoye,  Iesus  Christ  (Iehan  17,  3)  :  le  congnoistre,  dy-ie,  pour  l'honorer  deuement:  afin  qu'il  nous  soit  non  seulement  Maistre  et  Seigneur,  mais  aussi  Pere  et  Sauveur  (Matth.  1,  21),  et  que  nous  mutuellement  luy  soyons  enfans,  serviteurs,  et  peuple  desdie  a  sa  gloire.  LE  MIMBTKE.  l)  Quel  est  le  moyen  de  parvenir  a  un  tel  bien?  L'ENFANT.  [fol.  55]  Pour  ce  faire  il  nous  a  laisse  sa  saincte  Parolle,  laquelle  nous  est  comme  une  entree  en  son  Royaume  celeste.  LE  MINISTRE.  Ou  prens-tu  ceste  Parolle?