52:107  107  EPIST.  PAULI  AD  COLOSSENSES  103  Deus  ad  se  vocavit:  ergo  ex  morte.  Ita  praeputium  non  faceret  causam  mortis:  sed  testimonium  quod  alieni  essent  a  Deo.  Scimus  autem  non  aliter  vivere  homines  quam  si  Deo  suo  adhaereant,  qui  solus  est  ipsorum  vita.  Unde  sequitur  impios  omnes,  dum  sibi  maxime  vivi  et  florentes  videntur  esse,  tamen  spiritualiter  mortuos.  Hoc  modo  conveniret  hic  locus  cum  secundo  capite  ad  Ephesios  (2,  ll),  ubi  dicitur  :  Memineritis  quod  aliquando  quum  essetis  gentes,  vocatique  praeputium  ab  ea  circumcisione,  quae  manu  fit  in  carne,  illo  tempore  eratis  absque  Christo,  alienati  a  politia  Israel,  et  hospites  promissionum.  In  translatione  esset  quidem  allusio  ad  naturale  praeputium:  sed  tamen  Paulus  hic  loqueretur  de  contumacia  cordis  humani  adversus  Deum  et  natura  pravis  affectibus  inquinata.  Ego  priorem  expositionem  magis  amplector,  quia  melius  quadrat  contextui.  Commemorat  enim  Paulus  praeputium  impedimento  non  fuisse  quominus  vitae  Christi  fierent  consortes.  Unde  sequitur,  circumcisionem  gratiae  Dei  derogare,  quam  iam  adepti  erant.  Quod  vero  mortem  praeputio  adscribit,  hoc  non  est  tanquam  causae,  sed  tanquam  symbolo.  Sicuti  et  altero  loco  ad  Ephesios,  quem  citavimus.  Et  est  usitatum  scripturae,  a  privatione  signi  rei  privationem  notare.  Ut  Genes.  3,  22:  Ne  forte  Adam  de  fructu  vitae  edat  et  vivat.  Arbor  enim  vitam  non  conferebat:  sed  ablata  signum  erat  mortis.  Utrumque  breviter  hic  Paulus  expressit.  Dicit  mortuos  fuisse  delictis.  Haec  causa  est.  Nam  peccata  nos  alienant  a  Deo.  Addit,  in  p  r  a  e  p  u  t  i  o  carnis.  Haec  erat  externa  immundities,  testimonium  spiritualis  mortis.  Concionando  vobis.  Non  sola  quidem  remissione  peccatorum  nos  vivificat  Deus  :  sed  hic  peculiariter  ei  u  s  mentionem  facit:  quia  gratuita  reconciliatio  cum  Deo,  quae  evertit  operum  iustitiam,  maxime  pertinet  ad  causam  praesentem,  ubi  agitur  de  abrogatis  caeremoniis,  quemadmodum  in  epistola  ad  Galatas  fusius  disseruit.  Nam  pseudoapostoli,  caeremonias  stabiliendo,  laqueo  conscientias  obligabant,  quo  eas  Christus  solvit.  14.  Deleto  quod  contra  nos  erat.  Nunc  conserta  manu  cum  pseudoapostolis  pugnat.  Nam  hic  erat  status  causae,  an  caeremoniarum  observatio  necessaria  esset  sub  regno  Christi.  Contendit  autem  Paulus,  caeremonias  fuisse  abolitas.  Atque  ut  id  probet,  comparat  eas  chirographo,  quo  Deus  nos  quasi  obstrictos  tenet,  ne  possimus  reatum  inficiari.  Nunc  dicit  ita  nos  fuisse  liberatos  a  reatu,  ut  chirographum  etiam  deletum  fuerit,  ne  memoria  exstaret.  Scimus  enim  in  nominibus,  manente  chirographo  etiam  obligationem  vigere:  chirographi  contra  inductione  aut  laceratione  absolvi  debitorem.  Unde  sequitur;  beneficium  Christi  minuere  eos  omnes,  qui