51:107  107  SERMONS  108  nous  sommes  :  mais  s'il  y  a  extreme  necessite  (comme  i'ay  dit),  alors  nous  sommes  tant  plus  eschauffez  pour  subvenir  aux  indigens.  Mais  quand  nous  sommes  d'un  pays  et  d'une  langue,  alors  nous  nous  voyons  plus  approchez,  et  cela  augmente  l'affection  qui  autrement  en  general  seroit  froide:  mais  encores  quand  il  y  a  amitie  et  privaute  de  voisinage,  cela  est  encores  plus,  comme  nous  voyons  ceux  qui  sont  d'un  pays,  ils  diront,  Et  c'est  pour  le  moins,  puis  que  Dieu  nous  a  ainsi  approchez,  que  nous  taschions  de  servir  l'un  a  l'autre.  Apres  les  voisins  qui  demoureront  en  une  mesme  rue,  et  qui  communiqueront  privement  ensemble,  nous  voyons  qu'ils  sont  comme  parens  et  affins.  Or  par  plus  forte  raison  ceux  qui  sont  de  une  mesme  maison,  et  qui  sont  la  recueillis  comme  en  un  petit  corps,  Dieu  les  tient  comme  enserrez  :  il  les  embrasse  la  comme  si  un  pere  avoit  tous  ses  enfans  a  l'entour  de  luy.  D'autant  donc  que  nous  devons  estre  induits  a  nous  employer  de  tant  meilleur  courage,  quand  Dieu  nous  a  ainsi  unis  et  approchez  si  familierement  l'un  de  l'autre  S.  Paul  notamment  dit  que  tous  fideles  et  tous  ceux  qui  font  profession  d'un  mesme  Evangile  avec  nous,  que  ceux-la  sont  comme  domestiques,  c'est  a  dire  d'une  mesme  maison.  Car  Domestique  cPest  autant  comme  celuy  qui  habite  en  un  mesme  mesnage.  Et  de  faict  l'Eglise  est  appelee  la  maison  de  Dieu,  et  il  reside  au  milieu  de  nous.  Quand  l'Escriture  parle  ainsi,  elle  n'entend  pas  qu'il  nous  sale  estre  comme  en  ce  temple  material  pour  estre  conioints  ensemble:  mais  encores  que  chacun  soit  en  son  mesnage,  si  est-ce  que  Dieu  nous  a  tellement  recueillis  a  soy,  que  nous  sommes  comme  domestiques  l'un  de  l'autre,  et  non  seulement  bourgeois  du  royaume  celeste:  mais  il  y  a  encores  ie  ne  scay  quoy  plus  prochain,  et  qui  nous  doit  tenir  plus  unis.  Bref,  quand  ii  est  dit  que  ceux  qui  veulent  estre  enfans  de  Dieu  sont  tous  ensemble  de  sa  maison,  c'est  pour  monstrer  qu'il  y  a  comme  une  fraternite  commune.  Et  combien  que  les  freres  terriens  se  separent,  et  que  chacun  se  retire  a  part,  si  nous  faut-il  tousiours  demourer  en  ceste  union  que  Dieu  dedie  entre  nous.  Quand  nous  oyons  cela,  ne  faut-il  pas  que  nous  soyons  plus  stupides,  et  que  nous  surmontions  en  cruaute  les  bestes  brutes  et  sauvages,  si  nous  ne  sommes  esmeus  a  employer  ce  que  Dieu  nous  a  donne  pour  le  secours  de  nos  prochains,  ie  di  des  fideles?  Nous  voyons  donc  maintenant  en  somme  l'intention  de  sainct  Paul:  c'est  puis  que  Dieu  nous  a  obligez  a  bien  faire  a  tous  hommes,  d'autant  qu'ils  sont  nostre  chair,  que  nulle  malice  n'empesche  que  chacun  ne  s'efforce  a  s'acquitter  en  general  envers  ceux  que  Dieu  nous  presente,  et  ausquels  il  veut  esprouver  nostre  humanite.  Mais  cependant  puis  qu'il  nous  a  recueillis