50:107  107  EPIST.  PAULI  AD  CORINTHIOS  II  108  quod  levitatis  vel  erroris  culpa  caret.  De  hac  pollicitatiooe  loquebatur  Paulus.  3.  Misi  autem  fratres.  Nunc  rationem  adducit  cur  de  eorum  voluntate  bene  sentiens  illis  tamen  adhortandis  sedulo  incumbat.  Consulo,  inquit,  meo  et  vestro  pudori:  nam  quum  vestro  nomine  promiserim:  commune  esset  dedecus,  nisi  res  ipsa  verbis  respondeat.  Ergo  vos  boni  consulere  debetis  meum  timorem.  4.  In  hac  fiducia.  Quum  graece  sit  orcoaxaacc,  vetus  interpres  substantiam  transtulerat:  Erasmus  argumentum.  Sed  neutrum  convenit.  Admonet  autem  Budaeus,  hoc  vocabulum  aliquando  pro  audacia  vel  confidentia  sumi.  Quemadmodum  apud  Polybium,  quum  dicit,  oox  oQxco  xfyv  Sovajuv  oc  x^v  orcoaraaiv  xal  xoXjxav  aoxoO  xaxaTieuXYjyjxevwv  x&v  evavxiiov.  Unde  O7toaxaxcxoc  interdum  audacem  et  praesidentem  significat.  Iam  nemo  non  videt  quam  apta  sit  haec  significatio  contextui  Paulino.  Unde  apparet,  alios  interpretes  inadvertentia  fuisse  lapsos.  5.  Ut  benedictio,  non  tenacitas.  Loco  benedictionis,  alii  collectionem  reddunt.  Ego  tamen  verbum  verbo  reddere  malui:  quemadmodum  Graeci  luXoyiac  nomine  usi  sunt,  ut  hebraicam  vocem  rcii2  exprimerent:  quae  tam  benedictionem,  hoc  est,  faustam  precationem  quam  beneficentiam  significat.  Bationem  hanc  esse  iudico,  quod  Deo  primum  tribuitur.  Porro  scimus  ut  nobis  Deus  efficaciter  benedicat  solo  suo  nutu.  Inde  quum  transfertur  ad  homines,  eundem  sensum  retinet:  improprie  scilicet,  quia  non  eundem  habent  effectum  benedicendo:  sed  tamen  non  inepte  per  translationem.  Benedictioni  Paulus  opponit  rcXsoveCcav  :  quo  verbo  Graeci  tam  aviditatem  nimiam  quam  fraudationem  et  tenacitatem  significant.  Mihi  in  antithesi  vox  tenacitatis  magis  placuit.  Vult  enim  Paulus  non  maligne  eos,  sed  liberali  animo  erogare:  quod  ex  sequentibus  clarius  etiamnum  patebit.  6.  Hoc  aidem  est,  qui  sementem  facit  parce,  is  parce  messurus  est:  et  qui  sementem  facit  in  benedictionibus,  in  benedictionibus  etiam  metet  7.  Unusquisque  secundum  propositum  cordis,  non  ex  molestia  aut  necessitate.  Nam  hilarem  datorem  diligit  Deus.  8.  Potens  est  autem  Deus  efficere  ut  tota  gratia  in  vos  exuberet:  ut  in  omnibus  omnem  sufficientiam  habentes  exuberetis  in  omne  opus  bonum.  9.  Quemadmodum  scriptum  est:  Dispersit,  dedit  pauperibus,  iustitia  eius  manet  in  saeculum.  6.  Hoc  autem  est.  Nunc  pulchra  similitudine  eleemosynas  commendat,  comparans  eas  sementi.  Nam  in  facienda  semente,  semen  e  manu  proiicitur,  dispergitur  in  terram  hac  et  illac,  occatur,  et  demum  putrescit.  Ita  videtur  tantundem  periisse.  Similis  est  eleemosynarum  ratio:  quod  abs  te  alio  migrat,