31:107  107  PSALMUS  X.  108  hac  precandi  forma,  quantumvis  impotenter  superbiant  hostes  nostri,  tamen  in  manu  Dei  esse,  nee  plus  posse,  quam  illis  permittit:  nec  dubium  esse  quin  Deus>  quoties  volet,  redditurus  sit  omnes  eorum  conatus  vanos  et  irritos.  Ideoque  nomen  hominis  ponit  quod  ab  aerumnis  deductum  est,  ac  si  quis  latine  diceret  mortalem  hominem,  vel  caducum.  Porro,  Deus  gentes  coram  facie  sua  iudicare  dicitur,  quum  eas  quodammodo  ad  tribunal  suum  stare  cogit.  Scimus  enim  incredulos,  donec  violenter  trahantur  in  consepectum  Dei,  tergum  illi  obvertere,  ut  iudicem  suum  non  cogitent.  21.  (Impone  Iehova.)  JTIIU  Graecus  interpres  legislatorem  vertit:  a  jrn1  deducens,  quod  docere  interdum  significat.  Sed  circumstantia  loci  postulat  ut  pro  metu  vel  terrore  sumamus,  idque  inter  omnes  sani  iudicii  doctores  convenit.  Porro,  videndum  est  de  qua  timoris  specie  loquatur,  nam  Deus  communiter  electos  etiam  suos  timore  subigit  ad  obsequium.  Sed  quia  suum  erga  eos  rigorem  temperat,  et  simul  emollit  lapidea  ipsorum  corda,  ut  sponte  et  placide  se  submittant,  proprie  non  dicitur  eos  metu  cogere.  Erga  reprobos  diversum  agendi  modum  tenet,  quia  enim  inflexibilis  est  eorum  durities,  ut  facilius  sit  eos  frangi  quam  corrigi,  violenter  indomitam  ipsorum  contumaciam  subigit:  non  quod  resipiscant,  sed  quia,  velint  nolint,  illis  exprimitur  suae  infirmitatis  confessio.  Quantumvis  enim  fremant,  atque  ebulliat  ipsorum  rabies,  imo  truculentia  superent  feras  belluas:  obiecto  tamen  Dei  terrore,  cum  suo  impetu  sternuntur,  atque  etiam  mole  ruunt  sua.  Quod  quidam  exponunt  de  Davide,  ut  sub  eius  iugum  Deus  gentes  mittat,  eiusque  imperio  reddat  tributarias,  frigidum  est  ac  coactum.  Terror  enim  generaliter  quaevis  Dei  flagella  comprehendit,  quibus  retunditur  eorum  contumacia,  qui  Deo  nunquam  parerent  nisi  inviti.  Sequitur  deinde  quorsum  gentes  adigi  oporteat,  nempe  ut  se  mortales  homines  cognoscant.  Quod  etsi  prima  specie  videtur  levis  esse  momenti,  non  vulgarem  tamen  doctrinam  continet.  Quid  enim  est  homo,  ut  digitum  a  se  ipso  movere  audeat?  Atqui  perinde  exsultat  impiorum  omnium  licentia,  ac  si  omnibus  impedimentis  soluti  essent.  Sibi  quidem  falsa  imaginatione  arrogant  quidquid'  Dei  proprium  est:  denique  nunquam  eo  intemperantiae  ruerent,  nisi  illis  ignota  esset  sua  conditio.  Non  intelligit  quidem  David  eo  usque  profecturos  esse  impios  sub  Dei  ferulis,  ut  vere  se  et  ex  animo  humilient  :  sed  cognitio  de  qua  loquitur,  tantum  est  experimentalis:  ac  si  dixisset:  Fac  Domine,  quando  eos  ignoratio  sui  in  furorem  praecipitat,  ut  re  ipsa  sentiant  vires  suas  stultae  confidentiae  esse  impares,  ac  ubi  eos  frustratae  erunt  vanae  spes,  pudefacti  iaceant.  Hoc  vero  saepe  accidere  potest,  ut  tamen  non  resipiscant,  quibus  ostensa  est  sua  infirmitas:  sed  satis  est  cum  ludibrio  sacri-