27:107  107  SERMON  LXXVI.  108  vers  nous.  Car  cependant  que  nous  n'apprehendons  en  Dieu  que  rigueur,  nous  ne  pouvons  autre  chose  sinon  le  fuir,  et  nous  aliener  de  luy  tant  qu'il  nous  sera  possible:  et  encores  que  nous  soyons  contraints  a  regarder  a  luy,  il  ne  tirera  rien  de  nous  qui  vaille.  Ainsi  le  commencement  de  bien  servir  Dieu,  et  de  l'aimer,  c'est  de  cognoistre  sa  grace  pour  nous  reposer  en  luy.  attendant  qu'il  nous  soit  propice  et  favorable.  Car  comme  il  en  est  parle  en  ce  Pseaume-la  130,  aussi  est-il  ici  traitte  de  l'obeissance  apres  l'amour:  pour  monstrer  que  ce  n'est  point  assez  que  nous  facions  semblant  de  servir  a  Dieu,  mais  qu'il  nous  faut  ranger  a  luy,  pour  dire,  Seigneur,  tu  nous  as  fait  la  grace  de  reigler  nostre  vie:  et  ainsi  qu'il  te  plaise  nous  gouverner  en  sorte,  que  nul  ne  prenne  liberte  de  faire  ce  que  bon  luy  semblera:  mais  que  nous  escoutions  simplement  ta  voix,  pour  nous  y  assuiettir.  Venons  maintenant  au  mot  que  Moyse  adiouste:  Ie  donneray.  Ici  il  parle  en  la  personne  de  Dieu.  Au  paravant  il  avoit  dit:  Regardez  d'obeir  aux  commandemens  que  ie  vous  propose,  et  le  Seigneur  ton  Dieu  te  benira.  Et  maintenant  il  dit:  Ie  donneray:  comme  s'il  estoit  Dieu  luymesme.  Or  ce  n'est  point  sans  cause  qu'il  change  ainsi  de  personne  :  car  c'est  pour  donner  plus  d'authorite  a  sa  doctrine,  et  qu'elle  soit  tant  mieux  receue.  Car  nous  sommes  enclins  a  un  tel  mespris,  que  si  Dieu  parle  a  nous,  il  nous  semble  que  ce  n'est  rien,  d'autant  que  sa  parolle  nous  est  preschee  par  les  hommes  mortels.  Car  voila  un  homme  qui  parle  en  chaire,  et  nous  ne  sommes  point  touchez  de  ceste  doctrine  comme  il  est  requis:  il  y  devroit  avoir  la  une  maieste  celeste,  et  nous  sommes  si  lourds  et  grossiers,  que  nous  ne  cognoissons  point  que  c'est  Dieu  qui  parle.  Pour  ceste  cause  donc  Moyse  dit  ici:  Ie  te  donneray:  et  neantmoins  il  ne  pourroit  point  faire  une  goutte  de  pluye.  Et  qu'est-ce  qu'il  donnera?  Mais  il  monstre  que  la  parolle  n'est  point  de  luy,  qu'elle  est  de  Dieu,  et  qu'il  nous  la  faut  recevoir  comme  si  Dieu  la  prononcoit  de  sa  bouche,  et  qu'il  apparust  en  facon  visible,  que  sa  gloire  se  monstrast.  Notons  bien  donc  qu'en  ce  passage  nous  sommes  advertis  quand  nous  venons  ouyr  le  sermon,  que  nous  lisons  en  l'Escriture  saincte,  qu'il  n'y  faut  point  apporter  une  nonchalance  pour  faire  l'aureille  sourde,  pour  n'estre  point  esmeus  des  propos,  et  mesmes  pour  n'estre  point  incitez  par  les  commandemens,  et  exhortations  qui  nous  sont  faites:  mais  qu'il  nous  faut  presenter  a  nostre  Dieu,  sachant  bien  qu'encores  qu'il  se  serve  des  hommes  pour  instrumens,  que  c'est  luy  qui  envoye  le  message,  et  authorise  sa  parolle:  comme  nostre  Seigneur  Iesus  Christ  dit:  Qui  vous  escoute,  il  m'escoutte:  et  qui  vous  recoit,  il  me  recoit:  et  si  on  vous  reiette,  on  me