22:107  107  INSTITUTION  PUERILE  DE  LA  DOCTRINE  CHRESTIENNE.  108  Le  maistre.  Quelle  est  ceste  vie?  Lenfant.  Cest  la  vraye  vie  saincte  et  divine  conioincte  avecques  toute  bonne  action  et  ioyeuse  attente  de  la  vie  future.  Le  maistre.  Nostre  Seigneur  face  en  toy  ces  choses  et  les  vueille  augmenter  Christ  deffendeur  de  nostre  liberte.  Amen.  La  seconde  partie.  Le  maistre.  Mon  filz  as  tu  apris  comment  il  fault  prier?  Lenfant.  Ouy.  Le  maistre.  Qu'est  ce  que  prier?  Lenfant.  Cest  invocquer  Dieu  avecques  une  tres  grand'  affection  pour  impetrer  ayde  et  pardon  des  pechez.  Le  maistre.  Tu  dis  bien:  mais  comment  pries  tu?  Lenfant.  Ainsi  qu'il  nous  est  ordonne  de  nostre  seigneur  Ihesu.  Le  maistre.  Recite  le.  Lenfant  Nostre  Pere  qui  es  es  cieux,  ton  nom  soit  sanctifie,  ton  regne  advienne,  ta  volunte  soit  faicte  en  la  terre  comme  au  ciel.  Donne  nous  auiourdhuy  nostre  pain  quotidian  et  nous  pardonne  nous  offences  ainsi  que  nous  pardonnons  a  ceux  qui  nous  ont  offencez.  Et  ne  nous  induys  pas  ^n  tentation  mais  delivre  nous  du  maling.  Oar  a  toy  est  le  royaulme  et  la  puissance  et  la  gloyre  es  siecles  des  siecles.  Amen.