21:107  107  VIE  DE  CALVIN  108  mois  et  treize  iours,  desquels  il  en  a  passe  iustement  la  moitie  au  sainct  ministere,  parlant  et  escrivant,  sans  avoir  iamais  rien  change,  diminue,  ni  adiouste  a  la  doctrine  qu'il  a  annoncee  des  le  premier  iour  de  son  ministere:  avec  telle  force  de  l'esprit  de  Dieu,  que  iamais  meschant  ne  le  peut  ouir  sans  trembler,  ni  homme  de  bien  sans  l'aimer  et  honorer.  Voila  donc  le  recit  de  sa  vie  et  de  sa  mort,  lequel  aucuns  paraventure  trouveront  long:  mais  ie  puis  dire  a,  la  verite,  qu'il  est  brief  en  comparaison  de  la  matiere  que  le  personnage  a  fournie  de  parler  de  ses  vertus.  Et  de  fait,  *)  qui  eust  voulu  declarer  par  le  menu  la  grandeur  des  affaires  que  cest  excellent  personnage  a  soustenus  par  l'espace  de  vingt  trois  ans  et  par  dedans  et  par  dehors,  il  y  eust  eu  matiere  d'un  bien  gros  volume.  Car  s'il  y  eut  iamais  ville  et  Eglise  rudement  assaillie  de  Satan,  et  courageusement  defendue  durant  ce  temps,  ca  este  Geneve.  L'honneur  en  appartient  a  un  Dieu  seul:  mais  il  se  peut  et  doit  bien  dire,  que  Calvin  a  este  l'instrument  de  la  force  et  vertu  [i  6]  d'iceluy.  S'il  est  question  de  vigilance  en  son  estat,  il  est  certain  que  iamais  Satan  et  les  siens  ne  le  prindrent  a  despourvu,  et  qu'il  n'en  ait  adverti  le  troupeau  devant  le  coup,  ou  preserve  sur  le  champ.  S'il  est  question  d'integrite,  il  est  encores  a  naistre  qui  luy  a  veu  faire  faute  en  son  office,2)  flechir  tant  soit  peu  pour  homme  vivant,  avoir  varie  en  doctrine  ni  en  vie,  ni  iamais  calomnie  personne.  S'il  faut  mettre  en  avant  le  travail,  ie  ne  croy  point  qu'il  se  puisse  trouver  son  pareil.  Car  qui  pourroit  raconter  ses  travaux  ordinaires  et  extraordinaires?  Je  ne  scay  si  homme  de  nostre  temps  a  eu  plus  a  ouir,  a  respondre,  et  a  escrire,  ni  de  choses  de  plus  grande  importance.  La  seule  multitude  et  qualite  de  ses  escrits  suffit  pour  estonner  tout  homme  qui  les  verra,  et  plus  encore  tous  ceux  qui  les  liront.  Et  ce  qui  rend  ses  labeurs  plus  admirables,  c'est  qu'il  avoit  un  corps  si  debile  de  nature,  tant  attenue  de  veilles  et  de  sobriete  par  trop  grande,  et  qui  plus  est  suiet  a  tant  de  maladies,  que  tout  homme  qui  le  voyoit  n'eust  peu  penser  qu'il  eust  peu  vivre  tant  soit  peu:  et  toutesfois  pour  tout  cela  iamais  n'a  cesse  de  travailler  iour  et  nuict  apres  l'oeuvre  du  Seigneur  :  et  n'oyoit  rien  moins  volontiers  de  ses  amis,  que  les  prieres  et  exhortations  qu'on  lui  faisoit  iournellement,  afin  qu'il  se  donnast  quelque  repos.  Mesmes  en  ses  dernieres  maladies,  il  n'a  point  desiste  de  dicter  qu'environ  huict  iours  devant  sa  mort,  la  voix  mesme  lui  defaillant.  Outre  les  peines  innombrables  et  propres  a  sa  charge,  en  toutes  les  diffi-  1)  A  partir  d'ici  on  retrouve  la  substance  et  en  grande  partie  le  texte  de  la  premiere  redacUon  p.  26.43.  2)  il  n'y  a  aucun  qui  lui  ait  veu  faire  faute  en  sa  charge  F.